Madaxweynaha Galmudug Oo Tababar U Soo Xiray Cutub Ka Tirsan Ciidanka Darawiishta Galmudug “SAWIRRO”

Madaxweynaha Dowlad Goboleedka Galmudug Mudane Axmed Cabdi Kaariye ayaa tababar u soo xiray cutub ka tirsan ciidamada Darawiishta Galmudug oo tababar uga soconayay magaalada Sama-reeb ee xarunta Galmudug, waxaana munaasbadda goobjoog ka ahaa Wasiirka Amniga Mudane Axmed Macalin Fiqi iyo Wasiirro kale.

Ciidamada tababarka loo soo xiray oo la laylinayey muddo Dhawr bilood ah, waxay noqonayaan dufcaddii 1-aad ee ka baxda DugsigaTababarka Ciidamada ee magaalada Sama-reeb.

Wasiirka Amniga ayaa ka wabixiyey tayada nooca tababarka ay ciidamadaasi qaateen iyo dhabar adaygoodii muddadii ay tababarka ku jireen, asagoo ammaanay macallimiintii  tababarka bixisay iyo saraakiishii hogaaminaysay ciidamada, wuxuuna wasiirku adkeeyey In la abaalmariyo ciidamada lana dallacsiiyo kuwooda ugu wanaagsan.

Madaxweynaha Dowlad Goboleedka Galmudug Mudane Axmed Cabdi Kaariye ayaa ku ammaanay Wasaaradda Amniga Gudaha iyo saraakiisha tababarka bixinaysay sida wanaagsan ee Ciidamada ay u diyaariyeen.

Mudane Qoor Qoor ayaa ciidanka faray inay si wanaagsan ugu shaqeeyaan deegaankooda iyo dadkooda kana difaacaan cadowga.

Tani waxay qeyb ka tahay daddaalada Galmudug ee ku aadan tayeynta iyo dib u qaabeynta ciidamada kala duwan.

LEAVE A REPLY

Please enter your comment!
Please enter your name here