Madaxweynaha Hirshabeelle oo dib ugu soo laabtay dalka “SAWIRRO”

Madaxweynaha dowlad goboleedka Hirshabeelle Cali Cabdulaahi Cosoble, oo howlo shaqo ku maqna dalka dibadiisa ayaa maanta dalka dib ugu soo laabtay, isagoo socdaal shaqo ku tegay dalalka Ethiopia iyo Kenya.

Madaxweynaha Hirshabeelle ayaa markii uu soo gaaray garoonka diyaaradaha caalamiga ah ee Aadan Cadde waxa halkaasi ku soo dhaweeyay Madaxweyne ku-xigeenka Hirshabeelle Cali  Cabdullaahi Xuseen Gudlaawe, Guddomiyaha Baarlamaanka Hirshabeelle Sheekh Cismaan Barre, Wasiiro ka tirsan Xukuumadda Soomaaliya iyo Xildhibaannada labada Aqal ee sare iyo Hoose.

Mudane Cali Cabdulaahi Cosoble oo Warbaahinta Qaranka kula hadlay garoonka diyaaradaha ayaa sheegay in uu socdaalkii uu ku tegay dalalka Ethiopia iyo Kenya ay guul ku soo dhamaadeen, kuwaasi oo ahaa kulamo isbarasho iyo kala warqaadasho, waxaana uu intaa ku daray in Madaxda labada dal ee uu la kulmay ay u balan qaadeen inay ka qeyb qaadanayaan arrimaha dib u dhiska deegaannada Hirshabeelle.

Madaxweynaha Hirshabeelle ayaa tilmaamay in magaalada Nairobi ee xarunta dalka Kenya uu sidoo kale kula kulmay madax ka tirsan beesha caalamka oo uu uga xog waramay xaaladda maamulka Hirshabeelle iyo sida ay uga qeyb qaadan karaan horumarinta deegaannada maamulka.

 

IMG_0051 IMG_0053 IMG_0055 IMG_0058 IMG_0061 IMG_0062 IMG_0064 IMG_0068 IMG_0071 IMG_0077 IMG_0080 IMG_0084 IMG_0085 IMG_0089 IMG_0115 IMG_0116 IMG_0122 IMG_0123 IMG_0124 IMG_0129 IMG_0131 IMG_0135 IMG_0140 IMG_0141 IMG_0142 IMG_0143 IMG_0144 IMG_0145 IMG_0150 IMG_0152 IMG_0153 IMG_0157 IMG_0162 IMG_0163 IMG_0168 IMG_0171 IMG_0193 IMG_0200 IMG_0207 IMG_0212

LEAVE A REPLY

Please enter your comment!
Please enter your name here