Madaxweynaha Hirshabeelle oo lacago ku wareejiyay Guddiga Ganacsatada Fatahaada Beledweyne “SAWIRRO”

Madaxweynaha Dowlad Goboleedka Hirshabelle Dr Maxamed Cabdi Waare ayaa munaasabad uu ku qabtay magaalada Beledweyne ku wareejiyay Guddiga Ganacsatada Fatahaada Beledweyne lacagtii loogu talo galay fatahaadda Beledweyne ee ka kala yimid Dowladda Federaalka ee Soomaaliya iyo Jibuuti,

Munaasabadda uu Madaxweynaha Hirshabeelle ku wareejinayay lacagta ayaa waxaa goob joog ka ahaa xubno ka tirsan Labada Gole ee Dowladda Hirshabelle, qeybaha kale duwan ee Bulshada Beledweyne oo ay hormuud u ahaayeen dhallinyarada iyo odayaasha dhaqanka.

Madaxweynaha Hirshabelle oo munaasabadda ka hadlay ayaa sheegay in muhiin ay tahay, in laga wada shaqeeyo Guud ahaan bulshada Gobolka horumarinta iyo ka samatabixinta Bulshada Fatahaadaha soo noq noqday wuxuuna xusay in lacagahani loo adeegsan doono fulinta Mashaariicda Xalalka Waara, oo qeyb ay ka tahay biyo ka leexinta magaalada Beledweyne, sidoo waxa uu u mahadceliyay Dowladda Federaalka iyo Dowladda Jibuuti oo ugu horeeyo Ismaaciil Cumar Geelle oo tilmaamay in mar walbo uu soo wacayay Isla markaana uu u muujinayay sida uu ugu walaacsanyahay fatahaadaha soo noqday.

Waxa Guddiga lagu wareejiyay:-

1- $ 600,000 – ka timid Dowlada Jabuuti

2- $ 500,000 – Ka timid Dowlada Federaalka iyo

3- $ 40,000 – ka timid Gudiga Fatahaada ee heer Qaran

*Isugeyn Guud lacagtaas ayaa noqotay  $1,140,000*  (Hal malyan Boqol iyo Afartan  kun USD).

LEAVE A REPLY

Please enter your comment!
Please enter your name here