Madaxweynaha Hirshabeelle oo qaabilay Wasiirka Haweenka iyo xubno kale “SAWIRRO”

Madaxweynaha Dowlad Goboleedka Hirshabeelle Mudane Cali Cabdullaahi Xuseen Guudlaawe ayaa maanta magaalada Muqdisho ku qaabilay Wasiirka Haweenka iyo Xuquuqul Insaanka ee Xukuumadda Federaalka Soomaaliya Xaniifa Maxamed Ibraahim, Haweenka Xildhibaannada labada Aqal ee Baarlamaanka Federaalka Soomaaliya, Guddoomiyaha Ururka Haweenka Qaranka iyo haweenka bulshada rayidka ah.

Kulanka ayaa looga hadlay ilaalinta qoondada Haweenka 30% oo ay ku leeyihiin baarlamaanka Soomaaliya iyo sidii loo tixgalin lahaa cabashadooda.

Wasiirka Haweenka Soomaaliya Marwo Xaniifa Maxamed Ibraahim ayaa Madaxweyne Guudlaawe uga warbixisay barnaamijka Wasaaradda hormuudka ka tahay ee loogu ololeynayo xuquuqda haweenka Soomaaliyeed.

Madaxweynaha Dowlad Goboleedka Hirshabeelle Mudane Cali Cabdullaahi Xuseen Guudlaawe ayaa soo dhoweeyay, ololaha Wasaaradda ku doonayso in lagu ilaaliyo qoonddada haweenka Soomaaliyeed, isla markaana dumarka laga siiyo door muuqda doorashada soo aadan.

LEAVE A REPLY

Please enter your comment!
Please enter your name here