Madaxweynaha Hirshabeelle “waa guul taariikh ah in si wanaagsan loo soo doortay Xubnihii aqalka sare Ku matali lahaa Hirshabeele.

Madaxweynaha Maamulka Hirshabeelle oo ka hadlayey doorashadii shalay ka dhacday Magaalada Jowhar ayaa sheegay in uu aad ugu faraxsanyahay qaabka ay u dhacday doorashadii xubnaha Aqalka Sare ee maamulka Hirshabeelle.

Madaxweyne Cali Cabdulaahi Cosoble ayaa sheegay in ay doorashadaasi tahay Guul taariikhi ah oo usoo hoyatay Dadka kasoo jeedo deegaanada Hoos tago maamulka Hirshabeelle iyo guud ahaan umada Soomaaliyeed.

Madaxweynaha ayaa sheegay in maamulkooda uu ku guuleystay in ay siiyaan haweenka Qoondadii loogu talagalay oo ay ku lahaayeen xubanaha Aqalka Sare ku matalaayo Maamulka Hirshabeelle asagoo sidoo kale xusay in ay ku rajo weyn yihiin in ay sidoo kale ku guuleysan doonaan in ay haweenka xaqooda ka siiyaan xubnaha Aqalka Hoose.

LEAVE A REPLY

Please enter your comment!
Please enter your name here