Madaxweynaha iyo Wafdi uu hogaaminayo oo lagu soo dhaweeyay Guriceel

0
1828

Wafdigani uu hoggaaminayo Madaxweynaha Dowladda Federaalka ah ee Soomaaliya Madane Maxamed Cabdullaahi Maxamed Farmaajo  ayaa maanta gaaray magaalada Guraceel ee gobolka Galgaduud,halkaasi oo si weyn loogu soo dhaweeyey.

Wafdiga Madaxweynaha waxaa halkaasi ku soo dhaweeyey mas’uuliyiinta Maamulka Gobolka, waxgarad iyo qeybaha kaladuwan ee bulshada,iyadoo amaanka magaaladaasi si weyn loo adkeeyey.

Madaxweynaah Soomaaliya waxaa ku wehliya socdaalkiisa dhanka dhulka ah Madaxweynaha Dowlad Goboleedka Galmudug Axmed Ducaale Geele Xaaf, madaxa Xukuumadda Galmudug Sheekh Axmed Shaakir, Xildhibaanno iyo mas’uuliyiin kale.

Waxaa la filayaa in halkaasi uu kula kulmo kula qaato qaar ka mid ah madaxda Galmudug iyo qeybaha bulshada, waxaana Madaxweynaha uu ka dhageysan doonaa qeybaha bulshada warbixino ku aadan xaaladohooda nololeed iyo baahiyaha ay qabaan.

Madaxweynaha Dowladda Federaalka ah Soomaaliya Mudane Maxamed Cabdulaahi Farmaajo  iyo wafdigiisa ayaa weli ku guda jira booqasho uu ku marayo deegaanada Galmudug,isagoo horey u soo maray deegaannada Dowlad Goboleedka Puntland.

Did you like this? Share it:

LEAVE A REPLY

Please enter your comment!
Please enter your name here