Madaxweynaha iyo wafdiga la socda oo caawa kulan soo dhaweyn ah loogu sameynayo Boosaaso

0
1608

Madaxweynaha dowladda Federaalka ah ee Soomaaliya Mudane Maxamed Cabdullaahi Maxamed Farmaajo iyo wafdiga la socday ayaa caawa kulan soo  dhaweyn iyo sagootin ah loogu sameeyay magaalada Boosaaso ee xarunta Gobolka Bari.

Agaasimaha Warfaafinta ee Madaxtooyada Qaranka Cabdinuur Maxamed Axmed ayaa sheegay in wafdiga Madaxweynaha oo socdaal shaqo ku jooga deegaannada Puntland ay maanta ku soo wareegeen qeybo badan oo ka mid ah magaalada Boosaaso, halkaasi oo uu Madaxweynuhu si kedis ah ugula kulmay qeybaha bulshada oo uu ka xog-wareystay xaaladaha ay ku suganyihiin.

“Dadkii faraha badnaa ee soo dhaweynayay Madaxweynaha waxaa ku jirtay Hooyo ku umushay goobtii fagaaraha ahayd ee uu Madaxweynaha Dalka soo booqday, taasi oo muujineysa sida ay shacabka ugu faraxsanyihiin socdaalka wafdiga Madaxweynaha ee ku muraya deegaannada Puntland” ayuu yiri Cabdinuur.

Madaxweynaha dowladda Federaalka ah ee Soomaaliya Mudane Maxamed Cabdullaahi Maxamed Farmaajo ayaa lagu wadaa inay socdaalkooda ku soo gabo gabeeyaan Gobollada dhexe ee dalka.

Axaddii aynu ka soo gudubnay ayay ahayd markii Wafdiga Madaxweynaha ay socdaalkooda ka soo bilowdeen magaalada Garoowe ee xarunta Dowlad Goboleedka Puntland, waxaana ay caawa ku suganyihiin magaalada Boosaaso ee xarunta Gobalka Bari.

 

Did you like this? Share it:

LEAVE A REPLY

Please enter your comment!
Please enter your name here