Madaxweynaha J. F. S. oo galabta dib ugu soo laabtay Muqdisho

1351

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hoggaaminayay ayaa galabta dib ugu soo laabtay magaalada Muqdisho, kadib markii uu soo dhameystay booqasho shaqo oo uu ku tagay magaalada Dhuusamareeb.

Madaxweynaha iyo wafdigiisa ayaa waxaa garoonka diyaaradaha Aadan Cadde si diirran ugu soo dhaweeyay wasiirro, xildhibaanno iyo mas’uuliyiin kale oo ka tirsan dowladda.

Booqashada madaxweynaha uu ku tagay magaalada Dhuusamareeb oo qaadatay muddo Sadex maalmood ah ayaa intii uu joogay halkaasi waxaa uu kulamo kala duwan la qaatay Sakaadiinta iyo odayaasha ku sugan halkaasi, waxeyna si qota dheer uga wada xaajoodeen dedejinta shirka maamul u sameynta gobollada dhexe ee dalka.

Madaxweynaha iyo Salaadiinta ayaa ugu dambeyn isku afgartay qorshaha maamul u sameynta gobollada Mudug iyo Galgaduud, kadib markii ay isla qireen baahida loo qabo maamul goboleed ay yeeshaan gobolladaasi.

Did you like this? Share it:

LEAVE A REPLY

Please enter your comment!
Please enter your name here