Madaxweynaha Jabuuti oo ku soo wajahan Muqdisho iyo Shir looga hadlayo Af-Soomaaliga oo ka furmaya

1188

Madaxweynaha dalka Jabuuti mudane Ismaaciil Cumar Geelle iyo wafdi uu hoggaaminayo ayaa maanta ku soo wajahan magaalada Muqdisho si ay uga qeyb galaan shirka looga hadlayo horumarinta Afka ee maanta Muqdisho ka furmaya.

Saraakiil ka tirsan dowladda ayaa Radio Muqdisho u sheegay in sidoo kale wakiilo ka socda maamullada Soomaalida ee Kenya iyo Ethiopia ay ka soo qeyb gali doonaan shirka.

Akadeemiyad-goboleedka Afka Soomaaliga ee AGA ayaa shir looga hadlayo horumarinta afka ku leh magaalada Muqdisho ayadoo sidoo kale loo dabaal degayo maalinta caalamiga ah ee afafka.

Munaasabadaan ayaa lagu lamaaniyay maalinta Afka hooyo oo lagu dhex maamuusi doono, ayadoo qaban qaabada xafladda lagu furayo shirkaas ay ka socoto magaalada Muqdisho.

Ciidammada ayaa ammaanka magaalada Muqdisho aad u adkeeyay, ayadoo waddooyinka la suray calanka waddanka Jamhuuriyadda Jabuuti.

Shirkaas iyo wixii ku soo kordha waan idiin soo gudbin doonnaa hadduu Alle idmo.

10960487_574849539284528_1295727107217162502_o

Did you like this? Share it:

LEAVE A REPLY

Please enter your comment!
Please enter your name here