Madaxweynaha JFS iyo Wafdi uu hoggaaminayo oo u amba-baxaya Gobolka Mudug

0
1708

Madaxweynaha Jamhuuriyadda Federaalka Soomaaliya Mudane Maxamed C/llaahi Maxamed C/llaahi Farmaajo iyo wafdi uu hoggaaminayo ayaa maanta u ambabaxaya Degmooyin ka tirsan Gobolka Mudug iyo Galguduud,gaar ahaan Hobyo iyo Cadaado.

Wafdiga uu hoggaaminayo Mudane Maxamed C/llaahai Farmaajo madaxweynaha oo maalmahan socdaal ku marayay Gobolka Galgaduud ayaa lagu wadaa in ay maanta ka ambabaxo degmada Cabudwaaq oo shalay kulamo wadatashi ah kula qaatay culumada iyo odayaasha dhaqanka,isagoona ugu baaqay in ay dardargeliyaan kaalinta ay ku leeyihiin nabadeynta iyo dib u heshiisiinta bulshada deegaanka.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa wada dadaallo iyo wadatashiyo ku saabsan dardargelinta hawlaha dib u heshiisiinta iyo nabadeynta oo saldhig u ah qorshaha socdaalka uu ku maray qeybo ka mid ah gobollada dalka .

Madaxweynaha waxaa socdaalkiisa  ku wehelinaya Madaxweynaha Galmudug Mudane Axmed Ducaale Geelle Xaaf, Madaxweyne Kuxigeenka Mudane Maxamed Xaashi Carrabeey, Madaxa Golaha Xukuumadda ee Dowlad Goboleedka Galmudug Sh. Maxamed Shaakir Cali Xasan, Xildhibaanno heer Federaal iyo heer Dowlad Goboleed, Wasiirro iyo masuuliyiin heer gobol iyo heer degmo.

Did you like this? Share it:

LEAVE A REPLY

Please enter your comment!
Please enter your name here