Madaxweynaha Jubbland oo qaabilay Safiirka Talyaaniga ee Soomaaliya

0
688

Madaxweynaha Dowlad Goboleedka Jubbaland Mudane Axmed Maxamed Islaam ayaa maanta Aqalka Martida ee Magaalada Kismaayo ku qaabilay Danjiraha Dowladda Talyaaniga u fadhiya Soomaaliya Carlo Campanile.

Labada mas’uul ayaa ka wada hadlay xaaladda soomaaliya gaar ahaan ammaanka  iyo dib u kabashada.

Kulanka Madaxweynaha Jubbaland iyo Safiirka waxaa kale oo  ii diirada lagu saaray hanaanka maalgashiga Talyaaniga oo wakhtigii Dowladii Dhexe maalgalin xoog leh ku sameeyay dalka.

Madaxweynaha Jubbaland Mudane Axmed Maxamed Islaam ayaa sheegay in ay ka wada hadleen Danjiraha sidii dib boorka looga jafi lahaa mashruucyo iyo ilo maalgashi oo Talyaanigu kal hore ka hirgaliyay deegaanka si gaar ahna in ganacsatada Talyaanigu ay u furan tahay in ay deegaanka maalgashadaan.

Arimaha nabadgalyada ayuu Madaxweynaha Jubbaland Dowlada Talyaaniga ku booriyay in ay sii laba laabaan gaar ahaan  taageerada dhinaca ammaanka si xasiloonidu u noqoto mid adag oo aan liiq liiqan.

Dhinaca kale Danjire Carlo Campanile ayaa amaanay dadaalka Jubbaland ee nabadgalyada iyo dib u dhiska isagoo sheegay in ay maalgalin ku samayn doonan deegaanka isla markana dhinaca ammaanka ay Soomaaliya oo dhan wax weyn kala qabanayaan.

Safiirka ayaa booqday Xarumo kala duwan oo ku yaala Magaalada Kismaayo oo ganacsato iyo shirkado Talyaani ah ay gacanta ku hayeen wakhtigii Dowlada dhexe ay talada haysay.

Did you like this? Share it:

LEAVE A REPLY

Please enter your comment!
Please enter your name here