Madaxweynaha Kenya oo xaalad bandow ah ku dhawaaqay

Madaxweynaha dalka Kenya Uhuru Kenyatta ayaa ku dhawaaqay shalay in dalkiisa laga hirgelinayo bandaw bilaabnaya maalinta Jimcaha, kaasi oo ah hal saac fiidkii illaa iyo kow iyo tobanka saac waaberigii, tallaabadani ayaa jawaab u ah faafida cudurka  COVID-19 oo gaaray Kenya.

Khudbad uu ujeediyay Qarankiisa, ayuu Uhuru Kenyatta waxaa kale uu kaga hadlay cinwaan tallaabooyin cusub oo lagula dirirayo faafista Corona.

Madaxweynaha ayaa ku dhawaaqay canshuur dhimis xoogan oo ah 100% oo loo sammeenayo dadka Kenyan ka ee mushaharkooda ka yar yahay 24 kun Kenyan shilling, waxaa sidoo kale laga soo dhimay 30 oo la soo gaarsiiyay 25 canshuurta saarneed dakhliga.

Xubnaha golaha Wasiiradda ayaa sidoo kale laga dhimayaa mushaharka ay qaataan si ay shacabka ula qeybsadaan culeyska faafidda Coronavirus, ayuu yiri Kenyatta.

Madaxweynaha Kenya ayaa mushahar dhimista mas’uuliyiinta xilalka haya ku sheegay sida soo socota:

  • Isaga iyo ku xigeynkiisa – 80 boqolkiiba.
  • Wasiiradda – 30 boqolkiiba
  • Madaxda Xoghayayaasha maamulka – 30 boqolkiiba.
  • Xoghayaasha – 20 boqolkiiba.

Tallaabooyinkan uu ku dhawaaqay Madaxweynaha Kenya ayaa kuu soo aadaya xilli tiradda dadka la xaqiijiyay ee laga helay  COVID-19 imminka mareyso 28 qof.

LEAVE A REPLY

Please enter your comment!
Please enter your name here