Madaxweynaha Koonfur Galbeed oo Daah-furay kalfadhiga 2-aad ee Baarlamaanka Koonfur Galbeed

Daahfurka kalfadhiga 2- aad ee Golaha Wakiilada Dowlad Gobaleedka Koonfur Galbeed waxaa ka qeybgaley Madaxaweynaha Koonfur Galbeed, Gudoomiyaha Golaha Wakiilada, Guddoomiyihii hore ee Baarlamanka Prof Maxamed Sheekh Cismaan (Jawaari) xubnaha labada golle ee Dowlad gobaleedka Koonfur Galbeed iyo Wakiilo ka socday Dowladda Federaalka, Guddoomiyaha Maxkamada ee Koonfur Galbeed Soomaaliya, marti sharaf kale oo ka kala socotay Dowlad goboleedyada iyo kooxda fanaaninta Janoowkay

Kooxda Fanaaninta Janawkay ayaa ugu horeen xaflada ku furey heeso Wadani ah oo soojiitey quluubta dadkii ka soo qeyb- galey munaasabadda.

Guddoomiye ku-xigeenka 1 aad Baarlamanka Puntland C/asiis Cabdullaahi Cusmaan iyo Guddoomiyihii hore ee Baamanka Soomaaliya mudane Maxamed Sheikh Cusmaan Jawaari oo si wadajir ah uga hadley furitaanka kal fadhiga labaad ayaa talooyin fican siiyey Xildhibaanada Koonfur Galbeed

Dr Cali Saciid Fiqi Guddoomiyaha Golaha Wakiilada Koonfur Galbeed ayaa si gaar ah ugu mahadceliyey wafuudda kala diwan ee ka soo qeybgashay, isaga oo ka sheekeeyey howlihii uu Barlamanku soo qabtey kalafadhigii 1 aad

Madaxweynaha Dowlad Gobaleedka Koonfur Galbeed Mudane Cabdicasiis Xasan Maxamed (Lafta gareen) oo gabagabadii kalafadhiga 2 aad furey ayaa ka hadlay horumarada uu Maamulka ku tilaabsadey mudadii uu jirey, isaga oo soo hadalqaadey mashaaricda baxnaano, dhismooyinka iyo dayactirka waddooyinka qaar ka mid ah deegaannada Koonfur Galbeed..

Madaxweynaha Koonfur Galbeed ayaa sidoo kale ka hadley dhibaatooyinka COVID-19, fatahaadaha iyo abaaraha .waxaana uu sheegey in Dowladdu ay wado sidii wax looga qaban lahaa dhibaatooyinkaas

.

LEAVE A REPLY

Please enter your comment!
Please enter your name here