Madaxweynaha Koonfur galbeed oo furay waddo laami ah oo laga hirgeliyay Baydhabo

Madaxweynaha Maamulka Koonfur Galbeed Shariif Xassan Sheekh Aadan ayaa xariga ka jaray waddo Laami ah oo marta magaalada Baydhabo, taasi oo lagu sameeyay dib u dayactir.

Munaasabad kooban oo xariga looga jarayay waddadan laamiga ah oo isku xirta buundaha Isha baydhabo iyo xabsiga dhexe, dhirirkeeduna yahay 300 mitir oo dhistay hay’adda Shaqaalaha Adduunka ee marka magacadeeda la soo gaabiyo loo yaqaan ILO ayaa waxaa kaloo ka qeyb galay Wasiiro iyo maamulka gobolka bay.

Guddoomiyaha gobolka Baay C/rashiid Cabdullaahi Maxamed ayaa uga mahadceliyay hay’adda ILO dib u dhiska wadada laamiga ah, waxaana uu bulshada ugu baaqay inay ka qeyb qaataan dib u dhiska xarumaha danta guud.

Madaxweynaha Maamulka Koonfur Galbeed Shariif Xassan Sheekh Aadan oo xariga ka jaray wadada laamiga ah ee dib u dhiska lagu sameeyay ayaa ugu horeyn uga mahadceliyay hay’adda ILO dib u dhiska waddada, waxaana uu maamulka gobolka iyo kan degmada ku booriyay inay xoojiyaan xarumaha dib u dhiska lagu sameynayo.

 

 

LEAVE A REPLY

Please enter your comment!
Please enter your name here