Madaxweynaha Koonfur Galbeed oo hambalyo u diray Xildhibaannada Aqalka Sare ee lagu doortay Baydhabo

Madaxweynaha Dowlad Goboleedka Koonfur Galbeed Soomaaliya ayaa hambalyo u diray Xildhibaannada Aqalka Sare ee doorashooda maanta ahayd magaalada Baydhabo, isagoo bogaadiyay cidkasta oo kaalin ka geysatay doorashadii ka qabsoontay Baydhabo.

Madaxweynaha Koonfur Galbeed ayaa u mahadceliyay guddiyada doorashada, guddoonka iyo Xildhibaannada Koonfur Galbeed sida hagaagsan ee ay u dhacday doorashada.

“Alle weyne ayaa mahad oodhan usugnaatay,  Waxaan u hambalayaynayaa Xildhibaannada cusub ee maanta loo doortay Aqalka Sare ee Baarlamaanka Jamhuuriyada Federaalka Soomaaliya ee laga soo doorto Deeganada Koonfur Galbeed” ayuu yiri Madaxweyne Koonfur Galbeed oo hadalkiisa ku daray “Waxaan u mahad celinayaa dhamaan guddiyada Doorashooyinka, Guddoonka iyo Xildhibaanada Baarlamaanka Koonfur Galbeed iyo dhamaan cid walba oo kaalin ku lahayd qabsoomida dorashooyinkan”..