Madaxweynaha Maamulka Hirshabeelle Muqdisho kula Kulmay Safiirada UK Iyo Sweden Ee Soomaaliya “Sawirro”

Madaxweynaha Dawlad goboleedka Hirshabeelle Mudane Maxamed Cabdi Waare ayaa Magaaladda Muqdisho kulan kula qaatay Safiirka Dawladda ingiriiska Ee Soomaaliya Danjire Ben Fender, waxaana ay ka wada hadleen arrimo kale duwan oo la xiriira Amniga, Dhismaha Ciidanka Boliiska Hirshabeelle iyo Shirka iskaashiga Soomaaliya ee maanta ka furmay Magaalada Muqdisho.

Kulanka Madaxweynaha Hirshabeelle iyo danjiraha ay wada qaateen ayaa waxa ku wehlinayay u qeybsamaha Wasaaradda arrimaha Dibadda UK ee Africa haweyneyda lagu magacaabo Harriet Mathews, waxaana kulanka oo ahaa mid waqti badan qaatay diiradda lagu saaray siddii Hirshabeelle looga gacansiin lahaa dhinacyada horumarinta iyo ammaanka iyo siddii loo casriyeyn lahaa Dhismaha Ciidanka Boliiska Hirshabeelle.

Dhinaca Kale Madaxweynaha Maamulka Hirshabeelle Mudane Maxamed Cabdi Waare ayaa Magaaladda Muqdisho kulan kula qaatay Safiirka Dawladda Sweden ee Soomaaliya Ambassador Staffan Tillander, iyaggoo ka wada hadlay arrimo la xiriira siddii Hirshabeelle looga fulin lahaa mashaariicyada Sweden oo ay fuliyaan hey’adaha Qaramada Midoobay sida barnaamijyada caafimaadka, horumarinta haweenka, Horumarinta Ganacsiga, iyo shaqo abuurka Dhalinyarada.

Kulanka Madaxweyne Waare iyo safiirka Dawladda Sweden Ee Soomaaliya Ambassador Staffan Tillander ayaa waxa ku wehlinayay, U qeysamaha Wasaaradda arrimaha Dibadda Ee Africa Ola Karlman, waxaana arrimihii laga wada hadlay uu safiirka balanqaaday in ay fulinayaan, dhowaana uu booqasho ku tagi doono, si loo kordhiyo mashaariicyada lagu caawinayo Hirshabeelle.

 

LEAVE A REPLY

Please enter your comment!
Please enter your name here