Madaxweynaha Maamulka Koonfur galbeed oo socdaal ku tegay Bardaale si diiranna loo soo dhaweeyay

Madaxweynaha Koofur galbeed ee Soomaaliya Shariif Xassan Sheekh Aadan ayaa maanta booqday degmada Bardaale ee gobolka Baay si uu ugu kuurgalo xaaladda deegaannadii u dambeeyay oo ay la wareegeen ciidamada xoogga Dalka iyo AMISOM..

Socdaalka Madaxweynaha Maamulka koonfur galbeed waxaa ku wehliya Wasiirro ka tirsan Maamulka koonfur Galbeed Soomaaliya sida ,wasiirka Dhaqan celinta Maleeshiyaadka iyo Tababarrada ciidamadda, wasiirka Caafimaadka, Guddoomiyaha Gobolka Baay iyo qaar ka mid ah wakiillo ka socda hay’adaha ka howlgala Gobolka Baay kuwaas oo u kuurgalaya Xaaladaha Nololeed ee bulshada ku dhaqan degmada Bardaale.

Madxweynaha maamulka koonfur galbeed iyo wafdigiisa waxaa si diiran u soo Dhaweeyay Shacabka degmada Bardaale ee Gobolka Baay kuwaas oo Aad ugu faraxsanaa imaanshiyaha Wafdiga Madaxweynaha Koonfur galbeed Shariif xasan Sheekh Aadan.

Wasiirka Dhaqan Celinta Maleeshiyaadka  iyo Tababarrada Ciidamada Xasan Xuseen Maxamed ” Xasan Eelaay” oo la hadlay Radio Muqdisho ayaa sheegay in  horjoogayaal badan oo ka tirsan kooxda shabaab ay isku soo dhiibeen Ciidamada xoogga dalka ee ka howlgala Gobollada Baay iyo Bakool, isagoo sheegay in horjoogihii ugu dambeeyay  uu isku soo dhiibay Ciidamada xoogga kaas oo lagu magacabo Sheekh Bakistaan isla markaana iminka uu kujiro gacanta Maamulka koonfur Galbeed.

Si doo kale Wasiirka ayaa sheegay in Tababar ay u furayaan maanta ciidamada Maamulka Koonfur galbeed ee ka howlgala Degmada Bardaale ee Gobolka Baay islamarkaana ay sii socon doonaan Howlgallada lagu laaynayo Kooxda shabaab.

LEAVE A REPLY

Please enter your comment!
Please enter your name here