Madaxweynaha Maamulka Puntland oo guulo la taaban karo ku tilmaamay shirarkii lagu qabtay Muqdisho

1014

Madaxweynaha Dawlad goboleedka Puntland Cabdiweli Maxamed Cali Gaas oo dib ugu laabtay Gaalkacyo ayaa tilmaamay in shirarkii looga hadlayey aayaha Soomaaliya  ay guul ku soo dhamaadeen.

Shir jaraa’id oo uu ku qabtay Gaalkacyo ayuu ku sheegay in caasimadda Soomaaliya ee Muqdisho isaga iyo wafdi la socday ay u joogeen ka qeyb galka shirarkii looga hadlayey Hal-beegga Mustaqbalka Soomaaliya iyo Madasha wadatashiga Qaran  ee hannaanka geeddi-socodka doorashooyinka 2016-ka la filayo inay dalka  kaqabsoomaan.

Madaxweynaha Dawlad goboleedka Puntland ayaa xusay in shirarkii looga hadlayay masiirka Ummadda Soomaaliyeed ay guulo wax ku ool ahi uga soo hooydeen bulshada Soomaaliyeed, waxaana mar uu ka hadlayey shirkii looga hadlayey geeddi-socodka doorashooyinka ku tilmaamay in shirkaasi la isku dhaafsaday aragtiyo badan oo laga soo ururiyey dadka Soomaaliyeed ee ku kala dhaqan gobollada kala duwan ee dalka, isla markaana ay aragtiyahaasi isugu soo biya shubanayeen in Ummadda Soomaaliyeed ay u baahan yihiin inay helaan  metelaad dhab  ah oo iyaga ka timaada.

 

 

Did you like this? Share it:

LEAVE A REPLY

Please enter your comment!
Please enter your name here