Madaxweynaha maamulka Puntland oo ka tacsiyeeyay geerida ku timid tahriibayaal Soomaali ah

993

Madaxweynaha dowladgoboleedka Soomaaliyeed ee Puntland Dr. C/weli Gaas ayaa ummadda Soomaaliyeed uga tacsiyeeyay geerida ku timid dhallinyaro Soomaaliyeed oo ku tahriibayay badda u dhaxeysa Masar iyo Talyaaniga, kaddib markii ay degeen doonyihii ay saarnaayeen.

Dr. C/weli Gaas ayaa dhacdadaasi ku tilmaamay mid xanuun badan, isagoo xusay in ay ayaan darro tahay in sanad kasta ay dhallinyaro Soomaaliyeed ku geeriyoodaan badda Mediterranean-ka.

“Waxaan aad uga tiiraanyeeysanahay masiibadii ku habsatay ummadda Soomaaliyeed oo aheyd in dad kor u dhaafaya laba boqol oo qofood oo dhalinyaro Soomaaliyeed ah ay hal mar wada geeriyoodaan” ayuu yiri Dr. C/weli Gaas.

Madaxweynaha Pintland ayaa Alle uga baryay dadkaasi geeriyooday in uu jannadii Fardowso ka waraabiyo eheladi iyo qaraabadii ay ka baxeenna uu samir iyo iimaan ka siiyo.

Did you like this? Share it:

LEAVE A REPLY

Please enter your comment!
Please enter your name here