Madaxweynaha Maamulka Puntland Oo Tababar U Furay Ciidamo Boliiska Ah “Sawirro”

IMG_5556 IMG_5544 IMG_5456 IMG_5463 IMG_5472 IMG_5480 IMG_5486 IMG_5524 IMG_5528 IMG_5544 IMG_5551 IMG_5552 IMG_5556 IMG_5563 IMG_5576 IMG_5582 IMG_5590 IMG_5600 IMG_5602 IMG_5622 IMG_5691Madaxweynaha Dawlad Goboleedka Soomaaliyeed ee Puntland Dr.Cabdiweli Maxamed Cali Gaas ayaa shalay  tababar ugu furay xerada Abqaale oo ku taala Degmada Xarfo Ciidan Booliis ah oo laga kala keenay Gobalada Barri, Karkaar iyo Ceyn ee maamulka Puntland.

Dr C/weli  ayaa markii uu gaaray xeradaasi waxaa uu salaan sharaf ka qaatay cutubyo ka tirsan ciidanka Booliska ee uu halkaasi tababarka ugu furay ,waxaana uu ku dhiirigeliyey in casharada loo dhigayo ay si fiican uga faa’iideystaan si aqoontoodu u kobacdo .

‘’Dawladnimadu waa sharci iyo kala dambeyn , sharciga iyo dawladnimaduna gacmaha iyo lugaha ay ku adeegtaana waa Booliiska iyo maxkamadaha , runtiina muhiim ayaad noo tihiin ‘’ Ayuu yiri Madaxweynaha Maamulka Puntland.

‘’ Tababarkaan marka uu idiin dhammaado waxaan rajeynayaa in xaquuqdiina aad si joogta ah u heshaan , aysana dhicin dayac dambe oo ciidanka Booliska ah ‘’ Ayuu hadalkiisa raaciyey  Dr Gaas.

Madaxweynuhu.

Wajiyada Ciidankaan uu tababarka u furay Madaxweynaha Dowlad Goboleedka Puntland ayaa laga dareemayey farxad iyo reyn reyn, maadama ay fursad muhiim ah u tahay in aqoontooda kor loo qaado , si ay u gutaan waajibaadka shaqo ee horyaala.

Ciidankaan Booliiska ah ayaa waxaa ay isugu jiraan rag iyo dumar, tiradooduna waxaa ay dhantahay ku dhawaad 500-askari, waxaana uu tababarku u soconayaa 45-maalmood.

C/weli Maxamed Cali Gaas ayaa markii uu tababarka soo furay kadib waxaa uu shacabka Bacaadweyn kula qaxweeyey goob meherad ah oo saaran dhinaca laamiga.

 

-DHAMMAAD-

 

LEAVE A REPLY

Please enter your comment!
Please enter your name here