Madaxweynaha Maamulka Puntland Oo Xariga Ka Jaray Mashaariic Horumarineed Oo Laga Hiraglinayo Boosaaso “Sawirro”

0
759

 

Madaxweynaha Maamulka Puntland Dr.Cabdiweli Maxamed Cali iyo Wafdi uu hogaaminayay  ayaa maanta gaaray Magaalada Boosaaso ee Xarunta Gobolka Bari halkaas oo ay kala kulmeen soo dhoweyn diirran taas oo aanay u kala hadhin dadweynaha kudhaqan magaalada Boosaaso ee Xarunta Gobolka Bari.

Madaxweynaha ayaa markuu uu gaaray  magaalada Boosaso waxa uu dhagax dhigay buundo weyn taas oo hore u go’day, isla markaasna lagu dhisay Barnaamijka” Puntland Haysku tashato“ oo uu madaxweynaha Dowlad goboleedka Puntland hore u iclaamiyey, iyadoo dhaqaalaha ay ku kacayso buundadaasina lagu qiyaasay kudhowaad $40,000(Afartan kun oo doolar) waxaana iska kaashanaya Puntland iyo Shacabka deegaanadaasi.

Madaxweynaha ayaa sidoo kale waxa uu dhagax dhigay barnaamijka Ileyska cad-ceeda ku shaqeeya ee loo yaqaan SOLAR SYSTEM, kaas oo ay iska kaashanayaa Dawladda Hoose ee Boosaaso iyo Hay’adda “SSF Somali Stability Fund” waxaana uu ku tilmaamay mid waxweyn ka-beddelidoona dhaq-dhaqaaqa ganacsi ee Boosaaso, isu socodka dadweyna xilliga habeenkii iyo adkaynta nabadgelyada Boosaaso.

Ugu dambeyn Madaxweynaha Maamulka Puntland Dr.Cabdiweli Maxamed Cali Gaas iyo waftigiisa  ayaa loosoo gelbiyey  Madaxtooyada Puntland ee Magaalada Boosaaso halkaas oo ay warbaahinta kula hadleen Madaxweynaha, Madaxweyne ku-xigeenka iyo Guddoomiyaha baarlamaanka ee maamulkaasi, iyagoona ay ugu mahad celiyeen dhammaan dadweynaha reer Puntland sida dawlad Jecaylka ah ee ay usoo dhoweeyeen.

Madaxweynaha Dowlad goboleedka Soomaaliyeed ee Puntland ayaa sidoo kale xusay in ay u yimaadeen Magaalada Boosaaso sidii ay si’ dhow ula socon lahaayeen mashaariicda horumarineed ee dawladdu kawado magaalada Boosaaso , isla markaasina xariga looga jari lahaa Garoonka Caalamiga ah ee diyaaradaha ee Boosaaso, iyadoo qalabkii lagu ballaarin lahaa dekedda boosaasona uu jidka kusoo jiro dhowaana lasugayo in hawshaasi labilaabo.

IMG_2956 IMG_2960 IMG_2964 IMG_2973 IMG_2983 IMG_2986 IMG_2991 IMG_3025 IMG_3135 IMG_3155 IMG_3161 IMG_3162 IMG_3171 IMG_3178 IMG_3197 IMG_3201 IMG_3211 IMG_3222 IMG_3226 IMG_3238 IMG_3243 IMG_3247 IMG_3251 IMG_3261 IMG_3269 IMG_3280 IMG_3308 IMG_3327 IMG_3333 IMG_3370 IMG_3392 IMG_3396 IMG_3423 IMG_3425 IMG_3432 IMG_3471 IMG_3483 IMG_3490 IMG_3499 IMG_3515 IMG_3623 IMG_3684 IMG_3711 IMG_3726 IMG_3734 IMG_3740 IMG_3789 IMG_3806 Safarki Bosaso

Did you like this? Share it:

LEAVE A REPLY

Please enter your comment!
Please enter your name here