Madaxweynaha oo hambalyo u direy hoggaamiyaha cusub ee Nigeria

1088

01April 2015, Muqdisho: Madaxweynaha Jamhuriyadda Federaalka ee Soomaaliya, Mudane Xasan Sheekh Maxamuud, ayaa u hambalyeeyay Madaxweynaha la doortay ee Jamhuriyadda Federaalka Nigeria Muhammadu Buhari.

Madaxweynaha Soomaaliya oo khadka telefoonka kula hadlay Madaxweynaha la doortay ayaa ugu hambalyeeyay guusha uu ka soo hooyay doorashada.

Madaxweyne Xasan Sheekh Maxamuud waxaa kale oo uu u hambalyeeyay shacabka Nigeria oo uu sheegay in ay Soomaaliya wadaagaan waxyaabo badan.

Madaxweynaha wuxuu rajeeyay in Soomaaliya iyo Nigeria ay yeeshaan iskaashi u dan ah labada dal.

Madaxweyne Xasan Shiikh Maxamuud, waxaa uu ka mid noqday hoggaamiyayaasha ugu horreeyay ee u hambalyeeyay Madaxweynaha la doortay ee Nigeria.

-DHAMMAAD-

Did you like this? Share it:

LEAVE A REPLY

Please enter your comment!
Please enter your name here