Madaxweynaha oo ka qeybgalay shir golaha wasiirada

0
1093

Madaxweynaha Jamhuuriyadda Soomaaliya Mudane Xasan Sheekh Maxamuud ayaa maanta shir gudoomiyay kulanka golaha wasiirada ay ku leeyihiin magaalada Muqdisho, waxaana kulankan uu ku saabsan yahay arimaha la xiriira adkeynta amniga.

Kulanka ayaa intii waxaa warbixino laga dhageystay wasaaradaha amniga iyo wasaaradda gaashaandhigga kuwaas oo la xiriira howlgalada ciidanka dowladda ay ka sameeyeen magaalada Muqdisho iyo gobolada dalka qaar.

Shirka xubnaha golaha wasiirada ayaa sidoo kale waxaa looga dooday sidii loo dardargelin lahaa howlgalada lagula dagaalamayo kooxda Al-shabaab iyo sidii loo dabooli lahaa dhamaan baahiyaha ay qabaan ciidanka Soomaaliya.

Dowladda Soomaaliya ayaa horey u shaacisay in sanadkan 2015-ka uu yahay sanadkii la soo gebagebeyn lahaa howlgalada dalka looga xoreynaayo maleeshiyaadka nabad diidka ah, waxaana kulankan maanta ka socda uu muhiim yahay arimaha Amniga la xiriira.

Did you like this? Share it:

LEAVE A REPLY

Please enter your comment!
Please enter your name here