Madaxweynaha oo Kismaayo uga qayb galay Munaasabad Tababar loogu soo xirayay Ciidamadda Jubbaland

Madaxweynaha Jamhuuriyadda Federaalka Soomaaliya Xasan Sheekh Maxamuud ayaa maanta gaaray Magaalada Kismaayo ee xarunta maamulka Jubbaland.

Mas’uuliyiinta mamulka Jubbaland ayaa Madaxweynaha jamhuuriyadda Federaalka ku soo dhaweeyay Magaalada kismaayo ee Xarunta maamulka Jubbaland.

Madxaweynaha jamhuuriyadda federaalka Soomaaliya ayaa ka qayb galay Munaasabad Tababar loogu soo xirayay Ciidamadda lugta ee Maamulka Jubbaland iyadoo Munaasabaddaas ay goob joog a haayeen Mas’uuliyiin ka socotay Wakiillada Dowladaha itoobiya, IGAD,  Midowga Yurub, AMISOM  iyo Dowladda Ingiriiska oo iyadu mas’uul ka ahayd dib u furitaankii xaridaan lagu Tababaro Ciidamadda Maamulka Jubbalnd.

Taliyaha Ciidamadda Xoogga dalka Jen Daahir Aadan Cilmi “Indho Qarshe” ayaa sheegay in  ay Saldhigga sadaxaad ee Ciidamadda Xoogga dalka ee magaalada kismaayo ay qayb wey ka qaadan Doonto isku dhafka ciidamadda Dowlad Gobolleedyada oo lagu Tababari Doono Xiradaas si  looga Awood Roonaado Kooxaha argagixisada ah ee Shabaab.

Wasiirka Gaashaandhigga Dowladda federaalka ah ee Soomaaliya Mudane Cabduqadir sheekh Cali Diini ayaa sheegay in ciidamadda Qaranka lagu biirin Doono Ciidanka Dowlad Gobolleedyada dalka ka jira islamarkaana la tababari doono ciidamaddaas , isagoo sheegay in Wasaaradda Gaashaandhigga ay ka shaqayn doonto isku Dhafka Ciidamadaas.

Madaxweynaha jamhuuriyadda federaalka Soomaaliya xasan Sheekh maxamuud ayaa lagu wadaa  in magaalada uu kulamo kula qaato Madaxda Dowlad Gobolleedka jubbalnd.