Madaxweynaha oo si diiran loogu soo dhoweeyay magaalada Dhuusamareeb

2108

Madaxweynaha Jamhuriyadda Federaalka Soomaaliya, Mudane Xasan Sheekh Maxamuud ayaa si diiran maanta loogu soo dhoweeyay magaalada Dhuusamareeb ee gobolka Galgaduud, halkaas oo ay uga bilaabatey booqasho uu ku dardargelinayo qorshaha maamul u sameynta gobollada dhexe.

Socdaalka madaxweynaha ayaa ka qeyb ka ah dhaqangelinta Hiigsiga 2016, oo qodobada ugu muhiimsan ay ka mid yihiin dhameystirka dhismaha dowlad goboleedyada.

Madaxweynaha ayaa markii uu halkaasi gaaray waxaa uu salaam sharaf ka qaatay cutubyo ka tirsan Ciidanka Soomaaliya waxaa dhaweynta wefdiga madaxweynaha ka qeybgalay maamulka gobolka, Odayaasha Dhaqanka iyo boqolaal kamid ah dadka ku nool magaaladaasi.

‘’Aad baan ugu faraxsanahay horumarka ay sameeyeen odayaasha dhaqanka, siyaasiyiinta iyo qeybaha bulshada, dadaalka ay ugu jiraan dhismaha maamulka gobollada dhexe, dowladduna si buuxda ayay u taageersan tahay una garab istaageysaa hawlahan maamulka lagu soo dhisayo”, ayuu yiri Madaxweynaha.

Madaxweynaha ayaa intaanu ambabixin waxaa uu garoonka diyaaradaha ee Muqdisho uu ku salaamey, kuna sii sagootiyey qaar ka mid ah dad ku dhaawacmey qaraxyo ka dhacay caasimadda, oo daweyn loogu qaadayey dalka Boqortooyada Sacuudiga

Did you like this? Share it:

1 COMMENT

  1. adban ugu hambalyeynaya
    madaxweyna jamhuriyada
    sidey uga goantahay inow mamul
    usameyo gobolada dhexe somaliya
    hadeydhismana
    dowladu waxeyheshay
    tirki uguweyna oykuistagilaheyd

LEAVE A REPLY

Please enter your comment!
Please enter your name here