Madaxweynaha Puntaland oo maanta gaaray Kismaayo”SAWIRRO”

2258

Madaxweynaha Dawladda goboleedka Puntland Dr.Cabdiweli Maxamed Cali Gaas iyo Wafdi balaaran oo uu hogaaminayo ayaa maanta oo ay taariikhdu tahay u ambabaxay magaalo Madaxda maamulka Jubbland ee Kismaayo.

Wasiiro katirsan xukuumada maamulka Puntland, Isimo, Xildhibaano , Waxgarad ayaa qeyb ka ah wefdiga uu hogaamaaminayo Madaxweynaha Dawladda goboleedka Puntland Dr.Cabdiweli Maxamed Cali Gaas oo casumaad rasmi ah ka helay Madaxweynaha Maamulka Jubbaland Mudane Axmed Maxamed Islaam.

Garoonka diyaaradaha ee Magaalo Madaxda Puntland ee Garoowe ayaa Madaxweynaha iyo wafdigiisa waxaa ku sii dhaweeyey Madaxweyne ku
xigeenka Maamulka Puntland Cabdixakiin Cabdullaahi Xaaji Cumar Camey, Wasiiro, Xildhibaano, Waxgarad , Maamulka Gobolka Nugaal iyo kan Degmada Garoowe iyo masuuliyiin kale.

”Waxaa maanta farxad weyn noo ah wefdi aan hogaaminayo oo ka kooban Golayaasha Dawladda iyo isimada Puntland in aanu u ambabaxayno magaalo madaxda Jubbaland ee kismaayo, waxaana u soconaa inaanu adkayno xiriirka u dhaxeeya labada dawladood Puntland iyo Jubbaland” Ayuu yiri Madaxweyne Gaas.

Madaxweyne Gaas ayaa tilmaamay in Dawladda goboleedka Puntland iyo Maamulka
Jubbaland ay ku midaysan yihiin adkaynta midnimada iyo wada-jirka umadda Soomaaliyeed si looga baxo dhibka muddo badan soo jiitamayey ee kajira Soomaaliya.

Wafdiga Madaxweynaha Puntland C/wali Maxamed Cali Gaas ayaa waxaa ay gaareen magaalada Kismaayo ee xarunta gobolka Jubada Hoose waxaana halkaasi si diiran ugu soo dhaweeyay mas’uuliyiinta maamulka Jubaland iyo dadweynaha aad u badan.
24

DSC00777

DSC00780

DSC00782

DSC00783

DSC00794

Did you like this? Share it:

LEAVE A REPLY

Please enter your comment!
Please enter your name here