Madaxweynaha Puntland Iyo Wafdi Uu Hogaaminayo Oo Lagu Soo Dhaweeyay Deegaanka Saaxo Ee Goldogob “SAWIRRO”

Wafdiga Madaxweynaha Dowlad Goboleedka Punland Mudane Saciid Cabdullaahi Deni oo ujeedka socdaalkoodu ahaa u kuurgalidda xaaladaha nolaleed iyo adeegyada Bulshada ayaa si diiran loogu soo dhaweeyay deegaanka saaxo oo hoostaga Degmada Goldogob ee Gobalka Mudug

Ugu horeyna maamulka iyo bulshada deegaanka ayaa Madaxweynaha Puntland iyo wafdigiisa uga warbixiyay xaaladaha la xariira dhanka adeegyada aas aaska u ah nolasha aadanaha ee ka jira deegaankaasi iyo baahiyada jira

Mudane Siciid Cabdullaahi Deni ayaa sheegay in dowlad gobaleedka Puntland ay xil iska saarayaan ka warqabka baahiyada heysata shacabka Soomaaliyeed ee reer Puntland meel kasta oo ay joogaan, isagoo dhanka kalana ku booriyay ka shaqeynta amniga iyo ilaalinta daris wanaaga iyo nabad ku wada noolaashaha.

Sidoo kale Madaxweyne Siciid Cabdullaahi Deni ayaa sidoo kale kormeeray xerada Ciidamada daraawiishta Puntland ee deegaanka Saaxo, isagoo xariga ka jaray saldhiga booliska deegaankaasi, isla markaana dhagax dhigay dhismaha xarumaha adeegyada Bulshada qaarkood kuwaas oo la qorsheynayo in halkaasi laga hirgaliyo mustaqbalka dhaw

Deegaanka Saaxo ayaa ka mid ah deegaannada ay ragaadiyeen horumarkooda colaadaha ka jiri jiray Gobalka Mudug balse iminka ka soo kabsatay coladda.

W/D Wariye Cabdirisaaq Maxamed Axmed Galkacyo

LEAVE A REPLY

Please enter your comment!
Please enter your name here