Madaxweynaha Puntland oo booqday Isbitaalka weyn ee Garowe-Sawirro

0
1317

Madaxwaynaha Dawladda goboleedka Puntland Dr.Cabdiweli Maxamed Cali Gaas ayaa maanta booqday Cisbitaalka weyn ee magaalada Garoowe oo la dhigay dhaawaca  askar katirsan Ciidanka Daraawiishta Puntland oo gaari ciidan uu kula dhacay deegaanka Buura-wadal ee gobolka Sool.

Toban askari oo kamid ah Ciidanka uu gaarigu la dhacay ayaa shilkaasi ku dhintay halka laba iyo Toban kalana uu ka soo gaaray dhaawacyo kala duwan.

Saraakiisha cisbitaalka ayaa Madaxweynaha warbixin dheer ka siiyey xaaladda caafimaad ee ciidankaas, iyagoona sheegay in howlwadeenada caafimaadka ay ku howlan yihiin sidii ay gargaar caafimaad oo deg deg ah u siin lahaayeen.

Dr.Cabdiweli Maxamed Cali Gaas ayaa ka tacsiyeeyay geerida naxdinta leh ee ku timi tobankaasi askari isagoona Alle uga baryey in jana Fardowsa uu ka waraabiyo samir iyo iimaan buuxana ka siiyo eheladii,qaraabadii, shacabka Puntland, saraakiisha ciidanka iyo guutadii ay ka tirsanaayeen.

Dr Gaas ayaa sidoo kale mid mid ugu booqday Cisbitaalka weyn ee Garoowe laba iyo Tabanka askari ee dhaawacyadu ay ka soo gaaren shilkaasi dhacay,waxaana uu si deg deg ah amar ugu bixiyay in qaybtooda liidata ee aan dalka waxba looga qaban Karin loo qaado dalka dibadiisa si ay u helaan daryeel caafimaad oo dhamaystiran.

IMG_9393 IMG_9416 IMG_9438 IMG_9449

Did you like this? Share it:

LEAVE A REPLY

Please enter your comment!
Please enter your name here