M.weynaha Puntland Oo La Kulmay Wafdi Kasocday Beesha Caalamka “Sawirro”

Madaxweynaha Maamulka Puntland Dr.Cabdiweli Maxamed Cali Gaas oo uu weheliyo Madaxweyne ku-xigeenka Maamulkaasi Eng.Cabdixakiim Cabdulaahi Xaaji Cumar Camey ayaa Maanta ku soo dhaweeyey Qasriga Madaxtooyada Puntland ee Garoowe Wafti Ballaadhan oo heer Caalami ah oo uu hoggaaminayo Wakiilka Xog-hayaha guud ee Qaramada Midoobey u qaabilsan Soomaaliya Michael Keating.

Waftiga ayaa sidoo kale waxaa  ka mid ahaa Danjirayaasha IGAD, Talyaaniga, Midowga Yurub, Ingiriiska, Maraykanka iyo Itoobiya, iyada oo maalinta berito ahna lafilayo in ay Puntland soo gaadhaan Danjirayaal  kale oo ka kala socda waddamada Soomaaliya daneeya.

Madaxweynaha Maamulka Puntland Dr.Cabdiweli Maxamed Cali Gaas ayaa sheegay in ujeedka socdaalka waftigu uu ku qotomo siday  u arki lahaayeen dareenka shacabka Puntland ee ku aadan geeddi-socodka Doorashooyinka 2016-ka.

Madaxweynaha Dowlad goboleedka Soomaaliyeed ee Puntland ayaa imaatinka waftiga ee Puntland ku tilmaamay fursad wanaagsan oo ay Beesha Caalamku siisay Puntland isla markaasna uu rajaynayo shirka furmi doona in ay kasoo bixi doonaan wax ummadda Soomaaliyeed oo dhan dani ugu jirto.

“waan ku faraxsanahay runtii intaas oo danjire in ay noo yimaadaan, dareenkayagana ay ogaadaan, shacbigayagana ay dhegeysataan waa fursad aad u wanaagsan oo beesha Caalamku ay siisay Puntland, waana soo dhoweynayaa, waxaana rajeynaya in wada hadalku guul ku dhammaado wax wanaagsan oo ummadda reer Puntland iyo guud ahaan soomaaliyaba dani ugu jirtona uu kasoo boxo” ayuu yiri Madaxweynaha Dawladda Puntland.

Shirka ayaa muddo saddex cisho ah ka socon doona magaalada Garoowe ee Caasimadda Puntland waxaan si dhab ah loogu lafa guri doono go’aanka Puntland ee doorashooyinka 2016-ka iyo qaabkii looga gudbi lahaa xilligan kala guurka ah uu dalka Soomaaliya ku jiro.

—DHAMMAAD—

IMG_3081 IMG_3085 IMG_3091 IMG_3098 IMG_3106 IMG_3114 IMG_3117 IMG_3118 IMG_3129 IMG_3131 IMG_3133 IMG_3135 IMG_3137 IMG_3149 IMG_3155 IMG_3165

LEAVE A REPLY

Please enter your comment!
Please enter your name here