Madaxweynaha Puntland oo la kulmay danjiraha Turkiga-Sawirro

Madaxweynaha  Puntland Dr. Cabdiweli Maxamed Cali Gaas oo hawlo shaqo u jooga caasimada Soomaaliya ee Muqdisho ayaa maanta waxa uu kulan kula qaatay magaalada Muqdisho danjiraha dawladda Turkiga u fadhiya Soomaaliya.

Kulankan oo kadhacay xarunta safaarada Turkiga ee magaalada Muqdisho ayaa waxaa madaxweynaha iyo danjire Oglan Bekar kaga wadahadleen arrimo la xiriira xoojinta iyo sidii qeyb ugu yeelan lahaayeen mashaariicda Dawladda Turkiga ay ka wado Soomaaliya.

Sidoo kale Madaxweynaha Dawladda Puntland ayaa danjiraha Dawladda Turkiga uga xog waramay xaaladda abaareed ee ka jirta Puntland.

Madaxweynuhu wuxuu tibaaxay inay muhiim tahay in laga arrinsado sidii looga wadda qayb qaadan lahaa Gurmadka loo fidinaayo dadka abaaruhu sameeyeen, geesta kale madaxweynaha ayaa kala hadlay safiirka mashaariicaha horumarineed ee ay Dawladda Turkigu ka filiso Puntland iyo sidii loo sii horumarinlahaa loona dardar gelin lahaa.

Danjiraha Dawladda Turkiga u fadhiya Soomaaliya Mr. Oglan Bekar ayaa dhankiisa sheegay inay diyaar u yihiin horumarinta iyo xoojinta xidhiidhka labadda Dhinac.

Dhinaca kale Mr. Oglan Bekar  ayaa cadeeyey inay Gacan ka gaysan doonaan gurmadka abaareed ee lagu caawinayo dadka abaartu wax yeelaysay ee reer Puntland, sidoo kale danjiraha ayaa tilmaamay inay diyaar u yihiin horumarinta mashaaricaha horumarineed ee Dawladda Turkigu ka fuliyaan deegaanada maamulka  Puntland.

Ugu danbayn, madaxweynaha Puntland Dr. Cabdiweli Maxamed Cali Gaas ayaa markasta ku hawlan sidii dawladda Puntland iyo shacabkeedu beesha caalanka ula yeelan lahaayeen xidhiidh suurto geliya horumarinta danaha shacabka iyo kan dawladda.

IMG_1034 IMG_1056 IMG_1058 IMG_1061 IMG_1068 IMG_1072 IMG_1097 IMG_1109 IMG_1115

Did you like this? Share it:

LEAVE A REPLY

Please enter your comment!
Please enter your name here