Madaxweynaha Puntland oo safarro shaqo ugu amba baxay Dalalka Ethiopia iyo Chine “Sawirro”

Maxweynaha Dowlad goboleedka Puntland Dr. Cabdiweli Maxamed Cali Gaas iyo wefdi uu hogaaminayo ayaa maanta safaro shaqo ugu amba baxay Dalalka Ethiopia iyo China.

Safarkan ayaa waxaa ku wehelinayey masuuliyiin ka tirsan goloyaasha Puntland.

Ugu horayn Madaxweynaha Dowlad goboleedka Puntland Dr. Cabdiweli Maxamed Cali Gaas ayaa sheegay in safarkan uu ku tegayo Dalalka Ethiopia iyo China inay la xiriiraan sidii loo gaarsiin lahaa Gurmadka loo fidinayo dadka abaaruha saameeyeen.

“Waxaan saaka u amba baxayaa Dalka Ethopia iyo socdaal gaaban oo aan ku gaari doono dalka China, Dalka Ethopia waxaan u aadi doonaa arrimo la xiriira iskaashiga ammaanka iyo arimihii noosocdey ee ahaa iskaashiga dhanka ganacsiga, socdaal gaaban oo dhowr beri qaadan doonana waxaan ku tegidoona wadanka China oo aan u aadi doono hawlo laxidhiidha horumarinta Mashariicda”Ayuu Yiri Dr Cabdi.

“Waxaan ilaahay ka rajaynayaa inuu nagu soo guuleeyo safar kayaga, sidoo kale waxan ku dardaarmayaa labadii arrimood ee ahaa ladagaalanka argagixisada dalka ku soo duushey iyo sidoo kale gurmadka loo fidinayo dadka abaaruhu wax yeleeyeen” ayuu intaasi sii raaciyey Cabdiweli Gaas.

Ugu danbayn Madaxweynaha Puntland ayaa shacabka Puntland kula dardaarmay inay had iyo jeer ka shaqeyaan iskana kaashadaan hirgelinta Nabada, Horumarka iyo Caawinta Dadkooda tabarta yar siiba kuw abaaruhu sameeyeen.

DSC02094   DSC02101 DSC02102 DSC02107 DSC02112 DSC02114 DSC02117 DSC02118 DSC02119 DSC02120 DSC02121

LEAVE A REPLY

Please enter your comment!
Please enter your name here