Madaxweynaha Puntland oo si diiran loogu soo dhaweeyay Koonfurta Gaalkacyo “SAWIRRO”

0
2654

Madaxweynaha Dowlad Goboleedka Puntland Dr. Cabdiweli Maxamed Cali Gaas iyo wafdi balaaran oo uu hogaaminayo ayaa maanta oo ay tariikhdu tahay 27.December 2017 waxaa si balaaran koon furta magaalada Gaalkacayo ugu soo dhaweeyay qaar ka mid ah Madaxda dowlad Goboleedka Galmudug.

Socdaalka Madaxweynaha Puntland ee Koonfur Gaalkacyo ayaa qeyb ka ah is dhex galka bulshada  waxaana ku soo dhaweeyay dhinaca Galmudug Masuuliyiin katirsan Golayaasha Maamulka  Galmudug,  Talisika ciidamada mamulkaasi, saraakiil ka tirsan Madaxtooyada Galmudug , isimo Cuqaal, Waxgarad, Nabadoono, Aqoonyahanno iyo qaybaha kala duwan ee bulshada maamulkaasi,

Soo dhawayn kadib Madaxwaynaha Puntland ayaa waxaa uu kulan laqaatay ciidamada isku dhafka ee magaalada Gaalkacayo, saraakiil ka titrsan ciidanka Xoogga dalka iyo qaybaha kala duwan ee ee bulshada Koonfurta Gaalkacyo.

“Waxaan Ka mahad naqayaa soo dhawanynta wanaagsan ee walaaltinimada leh iyo dareenka wanaagsan ee aad maanta nagu soo dhawaayseen, waxaan aad ugu mahadcelinayaa intii wanaagaan ka soo shaqaysay sida maamulka Degmada, Maamulka Gobolka, Dhallinyarada, Haweenka, waxgaradka, taliyeyaasha ciidamada iyo intii kale oo kaqayb qaadatay wanaaga badan ee aan ujeedno maanta, una dhabar adaygay hawshaan adag, runtii waan jeclaa in aan imaado intii uu joogay Madaxwaynaha Dowlad Goboleedka Galmudug Axmed Ducaale Xaaf, laakiin duruufo kale ayaan ii saamixin in aan imaado waan rajaynayaa markale in aan Gobolka isugu nimaadno saan ku balansanahay, si nabada Gaalkacayo usal dhigato, uwaarto dadkana ay wanaag iyo walaaltinimo ku wada noolaadan ayaan rajaynaynaa, nabada Gaalkacyo marka hore Gaalkacyo ayay mihiim utahay, wanaag iyo qurux utahay, waxay horseed unoqonaysaa sidoo kale nabadda Soomaaliyeed, maanta waxaa ii muuqada bisayl aad ubadan waxaan rajaynayaa in bisaylkaasi uu yahay mid dhab ah” ayuu yiri Madaxweynaha Puntland.

“Dadka reer Gaalkacayo matihidin dad meel kala aadaya oo kala guuraya waxaa tihiin dad ehel ah oo aan kala maarmin, maanta waxaa jira cadaw Soomaaliya dhib wayn ku haya inaga oo dhan aan inakala aqoon oo aan cidna dhaafayn oo dhibaato wayn Soomaaliya kuhaya oo Dawladnimadeena,  wanaageena, Qaranimadeena, hortaagan oo kashaqaynaya sidii ay inoo dhibi lahaayeen iyaguna u guulaysan lahaayeen, markaa waa in aan gacmaha isqabsanaa cadwgeena halmeel uga soo wada jeesanaa dhammaanteen oo goboladeena ay dhibka kuhayaan aynu si wada jir ah uga xoraysano ayaa la idinka raabaa, waxaan rabaa marka in aan kahadlo ciidankan isku dhafka ah, waxaa loo sameeyay in ay wanaag soo kordhiyaan, in ay nabad soo kordhiyaan, in ay magaalada horumarkeeda ka shaqeeyaan, wixi ka dhiman oo imkaaniyaad ah wixii aan u awoodno sida ugu wanagsan ayaan isugu dayaynaa in aanu u hawl galno”. ayuu yiri Dr Cabdiweli Maxamed Cali Gaas.

Ugu danbayn, Madaweynaha Puntland Dr. Cabdiweli Maxamed Cali Gaas ayaa Dawdwaynaha gobolka Mugug ugu baaqay inay siwada jir ah nabadda uga wada shaqeeyaan.

Did you like this? Share it:

LEAVE A REPLY

Please enter your comment!
Please enter your name here