Madaxweynaha Suudaan oo Warqadaha Aqoonsiga ka Guddoomay Safiirka Soomaaliya

600

Madaxweynaha Jamhuuriyadda Suudaan Cumar Xasan Ahmed Al-bashiir ayaa maanta xafiiskiisa madaxtooyada Suudaan warqadaha rasmigga ah ee aqoonsiga safiirnimo ka gaddoomay Safiir Cabdirisaaq Axmed Shoole oo uu dhawaan Madaxweynaha Soomaaliya mudane Maxamed Cabdullaahi farmaajo uu soo magacabay Safiirka Soomaaliya ee Suudaan asigoo tixraacaya soo jeedinta golaha Wasiiradda.

Safiir Cabdirisaaq ayaa ugu horeyn madaxweynaha u gudbiyay Salaan uu kaga siday Madaxweynaha Jamhuuriyadda Federaalka Soomaaliya mudane Maxamed Cabdullaahi Farmajo.

Sido kale Madaxweyna Cumar Xasan Axmed Al-bashiir ayaa Safiir shoole ka markii uu ka gaddoomay warqadahiisa aqoonsiga Allaha ugu baryay inuu ku guuleyo xilka culus ee loo igmaday.

Munaasabada kooban ee Warqadaha looga gaddoomayay Safiir Cabdirisaaq Axmed Shoole ayaa waxaa goobjoog ka ahaa Lataliyaha kowaad ee Safaaradda Cusmaan Axmed Maxamed iyo Nasro Maxamed Axmed oo ah Uqeybsaha Arrimaha Waxbarashada ee Safaaradda.

Safiir Shoole ayaa ah Safiir buuxa  waana Safiirka 11aad ee soo mara Safaaradda Soomaaliya ee Dalkan Suudaan laga soo bilaaba tan iyo 1964 xiligaa uu Safiir ahaa Allaha u naxariista Cabdiraxmaan Axmed Cali (Cabdiraxmaan tuur).

Did you like this? Share it:

LEAVE A REPLY

Please enter your comment!
Please enter your name here