Madaxweynaha Syria oo markii afaraad xilka loo dhaariyay

Madaxweynaha Syria Bishaar Al-Asad ayaa markii afaarad maanta loo dhaariyay xilka madaxweynaha dalkaas kadib markii uu codadadkii ugu badnaa ka helay doorashii dhacday 26 bishii May ee sanadkaan.

Xafladda caleema saarka oo ka dhacday xarunta madaxtooyada dalkaas ayaa waxaa ka qeyb galay dad gaaraya 600 oo ruux, kuwaas oo isugu jira xildhibaanno, siyaasiyiin iyo saraakiil ciidan.

Madaxweyne Bishaar Al-Asad ayaa helay 95% codadka 18 Milayn oo reer Syria ah, kuwaas oo hal maalin gudahood codadkooda ku dhiibtay.

Wakiilada Beesha Caalamka ayaa dhaliilay hanaanka doorashaan loo maray, iyadoona ay xusid mudantahay in aanu jirin cid kor joogto ka aheyd oo metesha.

Al-Asad ayaa talada xafiiska dalkaasi la wareegay sannaddii 2000, kadib geeridii Aabihii Hafez oo xukunka dalkaas ku qabsaday afgemi Millateri oo aan dhiig ku daadan sannaddii 1970.

Guusha Asad ayaa ku soo aadeyso xilli dagaalada dalkaasi ka jiro ay 10 sano jirsadeen, isla markaana ku barakaceen Malaayiin Syrian ah.

LEAVE A REPLY

Please enter your comment!
Please enter your name here