Madaxweynaha Turkiga oo Booqasho ku Imaanaya Soomaaliya

0
1470

22 January 2015, Mogadishu: Madaxweynaha Jamhuriyadda Federaalka Soomaaliya Mudane Xasan Sheekh Maxamuud ayaa la filayaa inuu beri dalka ku soo dhoweeyo Madaxweynaha Turkiga Mudane Recep Tayyip Erdoğan.

Socdaalkan ayaa noqonayaa kii labaad ee Madaxweyne Erdogan ku yimaado Soomaaliya, iyadoo safarkiisii ugu horeeyey uu ahaa sannadkii 2011, isagoo markaasi ahaa Raiisul Wasaaraha Turkiga.

Labada Madaxweyne ayaa yeelan doona wadahadalo la xiriira iskaashiga labada dal, kuwaas oo diiradda lagu saari doono barnaamijyada horumarinta ee Turkiga ka wado Soomaaliya iyo arrimo kale oo waddanka waxtar u leh.

Madaxweyne Erdoğan ayaa booqan doona qaar ka mid ah mashaariicda Turkiga uu maalgeliyo, ka hor intaanu dhameysan socdaalkiisa.

DHAMMAAD

Daud Aweis
Afhayeenka
Xafiiska Madaxweynaha
Jamhuriyadda Federaalka Soomaaliya

Did you like this? Share it:

LEAVE A REPLY

Please enter your comment!
Please enter your name here