Madaxweynaha Turkiga Oo Soo Booqanaya Muqdisho

Madaxweynaha Turkey Recep Tayyip Erdogan ayaa si rasmi ah loo shaaciyay in uu soo booqan doono Soomaaliya taas oo ah booqashadii ugu horeysay oo madaxweyne Erdogan uu dalkaasi dibaddiisa ku aado sanadkani cusub ee 2015-ka sida laga soo xigtay saraakiisha dalka Turkiga.

Madaxweyne Erdogan ayaa kulan la yeelan doona Madaxweynaha Dalka Xasan Sheekh Maxamuud bishaan Janaayo iyagoo ka wada hadli doona xoojinta xiriirka saaxiibtinimada ee ka dhexeeysa Soomaaliya iyo Turkiga.

Shaqaalaha gargaarka ah ee Turkiga iyo kuwa mutadawaciinta ah ayaa shaqooyin kale duwan ka haya magaalada Muqdisho kuwaasi oo ka qeyb qaadanaya dib u dhiska Soomaaliya, Madaxweynuhu sidoo kale waxaa uu booqan doonaa 12 dalka oo Afrika ka tirsan oo ay ka mid yihiin Tanzania, Ethiopia, Soomaaliya iyo kuwo kale.

Madaxweyne Erdogan booqashadii sanadkii 2011kii xilligaas oo uu ahaa Ra’isulwasaare ayaa indhaha caalamka ku soo jeedisay Soomaaliya kolkaasi oo inta badan gobolada koonfureed ee Soomaaliya ay ka jirtay abaar baahsan, waxaana wixii xiligaas ka dambeeyay Tukiga uu ahaa saaxiib dhow oo Soomaaliya ay leedahay.

LEAVE A REPLY

Please enter your comment!
Please enter your name here