Madaxweynayaasha Maamulada Puntland, Koonfurgalbeed iyo Jubba oo caasimadda ku soo fool leh

1553

Madaxweynayaasha Maamulada Puntland, Koonfur Galbeed iyo Jubba ayaa maanta lagu wadaa in ay soo gaaraan magaalada Muqdisho, iyagoo kulamo la qaadan doona madaxda dowladda Federaalka ah ee Soomaaliya.

Magaalada Kismaayo ee xarunta Maamulka Jubbaland ayaa ka socoto qaban qaabada sagootinta wafdi uu hogaaminayo Madaxweynaha Maamulka Jubbaland Axmed Maxamed “Axmed Islaam”, kuwaasi oo ku soo wajahan magaalada Muqdisho.

Sidoo kale Madaxweynaha Koonfur galbeed ee dalka Shariif Xasan Sheekh Aadan iyo wafdi uu hogaaminayo ayaa iyana la filayaa inay soo gaaraan magaalada Muqdisho, halka Wafdi uu hogaaminayo Madaxweynaha Maamul goboleedka Puntland Cabdiweli Maxamed Cali “Gaas” ay ku soo wajahanyihiin caasimadda.

Madaxweynayaasha Maamulada Puntland, Koonfur Galbeed iyo Jubba ayaa inta ay ku suganyihiin magaalada Muqdisho waxa ay kulamo la qaadan doonaan Madaxda ugu sareysa dowladda Federaalka ah ee Soomaaliya, kaasi oo looga arrinsanayo sidii marxaladda adag ee uu dalka ku jiro looga samata bixin lahaa.

Did you like this? Share it:

LEAVE A REPLY

Please enter your comment!
Please enter your name here