Madaxweynayaasha Puntland iyo Jubbaland oo si diiran loogu soo dhaweeyay Dhuusamareeb “SAWIRRO”

Wafdi ay kala hogaaminayeen Madaxweynayaasha Dowlad Goboleedyada Puntland iyo Jubbaland Mudane Saciid Cabdullaahi Dani iyo Mudane Axmed Maxamed Islaam oo gaaray magaalada Dhusamareb ee xarunta Gobolka Galgaduud ayaa waxaa halkaasi si diiran ugu soo dhaweeyay Madaxwaynaha dowlad Goboleedka Galmudug mudane Axmed Cabdi Kaariye, Xildhibaanno, Wasiiro ka tirsan Dowladda Soomaaliya iyo qeybaha bulshada ee Caasimadda Galmudug.

Wafdiga Madaxweynayaasha Puntland iyo Jubbaland ayaa loo galbiyay xarunta Madaxtooyada Galmudug, halkaas oo horay loogu soo dhoweeyey Madaxweynayaasha Hirshabelle iyo Koonfur Galbeed oo goor hore soo gaaray magaalada Dhuusamareeb..

Caasimadda Dowlad Goboleedka Galmudug ee Dhusamareb ayaa waxaa ka furmi doona shirka Wadatashiga Madaxda Dowlad Goboleedyada qeybta ka ah dowladda Federaalka Soomaaliya, kaasi oo uu martigalinayo Maamulka Galmudug.

LEAVE A REPLY

Please enter your comment!
Please enter your name here