Madaxweyne Farmaajo oo guddoomiyaha kulan hor u dhac u ah shirka qaran ee dhameystirka doorashooyinka +Sawirro

Madaxweynaha jamhuuriyada Soomaaliya, mudane Maxamed Cabdulaahi Farmaajo ayaa furey shirka wadatashiga arrimaha doorashooyinka oo u dhexeeya madaxda federaalka iyo kuwa dowlaha xubnaha ka ah dowladda federaalka.

Shirka waxaa ku sugan ra’isul wasaaraha xukuumadda Soomaaliya Maxamed Xuseen Rooble, madaxweyniyaasha Koofur Galbeed, Hirshabeele, Galmudug iyo guddoomiyaha gobolka Banaadir.

Kulanka oo ka dhacaya sida horey dowladdu u sheegtay xarunta ciidanka cirka ee Afisyoone ayaa laga filayaa in heshiis looga gaaro arrimaha ku hor gudban qabsoomidda doorashada.

Qoraal ka soo baxay madaxtooyada qaranka ayaa lagu yiri:

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa guddoomiyey kulan hordhac u ah Shirka Qaran ee dhammeystirka Arrimaha Doorashooyinka iyo fulinta heshiiskii 17-ka Sabteembar 2020 ee ay ansixiyeen Baarlamaanka Federaalka Soomaaliya.

Kulankan waxaa ka qeyb galay Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble, Madaxweyneyaasha Dowlad Goboleedyada, Galmudug Mudane Axmed Cabdi Kaariye, Koonfur-galbeed Mudane Cabdicasiis Xasan Maxamed, Hirshabeelle Mudane Cali Cabdullaahi Xuseen iyo Guddoomiyaha Gobolka Banaadir Mudane Cumar Maxamuud Maxamed.

LEAVE A REPLY

Please enter your comment!
Please enter your name here