Madaxweyne Farmaajo oo Muqdisho kusoo dhaweeyey Dhiggiisa Jabuuti

Madaxweynaha Jamhuuriyadda Jabuuti Mudane Ismaaciil Cumar Geelle  iyo Wafdi ballaaran oo uu hogaaminayo ayaa soo gaaray Muqdisho, waxaana garoonka Diyaaradaha ee magaalada Muqdisho kusoo dhaweeyey Madaxweynaha Jamhuuriyadda Federaalka ah ee Soomaaliya Mudane Maxamed Cabdullaahi farmaajo.

 

Wefdiga Madaxweyne Geelle ayaa waxaa kamid ah Wasiirro, Xildhibaano iyo Fanaaniin, waxaana Qorshuhu uu yahay in Madaxweynaha Jabuuti uu furay Safaaradda Jabuuti ee Soomaaliya oo ku taala Degmada C/casiis ee gobolka Banaadir.

Wasiiru dowlaha Arrimaha Dibadda Soomaaliya C/qaadir Axmed Kheyr ayaa sheegay in Madaxweyne Ismaaciil Cumar Geelle iyo wafdi la socda Madaxweynaha ay dhankooda kulamo la qaadan doonaan madaxda Dalka, kaasi oo looga hadli doono xiriirka iyo Iskaashiga labada dal iyo sidii loo adkeyn lahaa.

Sidoo kale Waxaa jiray wufuud horu-dhac u aheyd  oo Madaxweynaha Jabuuti uga soo horeeyey Muqdisho, waxaana marka laga tago wasiirada la socda Wefdiga kamid ah fanaaniin Soomaaliyeed oo ay kamid yihiin Xasan Aadan Samatar iyo Axmed Cali Cigaal.

Did you like this? Share it:

LEAVE A REPLY

Please enter your comment!
Please enter your name here