Madaxweynaha Puntland oo Garoowe kula kulmay Michele Cervone.{SAWIRRO}

0
1189

Madaxwaynaha maamulka  Puntland Dr.Cabdiweli Maxamed Cali Gaas ayaa maanta  madaxtooyada Garoowe ku qaabilay wefdi uu hogaaminayey Safiirka Midowga Yurub  Soomaaliya u fadhiya Danjire Michele Cervone.

Markuu uu soo dhamaaday Kullan gaar ah oo ay wada qaateen Madaxwaynaha iyo safiirka ayey si wadajir ah ula hadleen Warbaahinta, waxana ay sharaxaad dheer ka bixiyeen qodobadii ugu muhiim sanaa oo ay kawada hadleen.

”Waxyaabo badan ayaanu kawada hadalnay oo ay kamid tahay Xiriirka Puntland iyo EU, Mashaariicda Horumarineed ee ay midowga yurub Kawadaan Puntland iyo Shaqooyin badan oo EU la qabanyso Dawladda Puntland”Ayuu yiri Madaxwayne Gaas.

Midowga yurub oo Puntland ka taageera dhinacyada waxbarashada , kaabayaasha dhaqaalaha , maalgelinta wadada isku xirta Gaalkacyo iyo Garoowe, taageerada shirka wada tashiga Puntland ee dhawaan lagu wado in uu qabsoomo , arrimaah oo idil ayey kawada hadleen dardar gelintooda.

Doorashooyinka ka dhacaya Soomaaliya ayey dhinaca kale si wada jir ah uga wada hadleen Madaxweynaha  Puntland Dr.Cabdiweli Maxamed Cali Gaas iyo  Safiirka Midowga Yurub  Soomaaliya u fadhiya Danjire Michele Cervone.

” Waxaan arjaynaynaa in midowga yurub barnaamijyada dhaqaale ee ay Puntland kawadaan lasii ambaqaado lana dadajiyo , lana horumariyo ” Ayuu hadalkiisa raaciyey Madaxweyne Dr.Cabdiweli Gaas.

Danjire Michele Cervone ayaa dhankiisa  Puntland ku amaanay dadaalka horumarineed ee ka soconaya gudaha Puntlan iyo guulaha waaweyn ee laga gaaray kooxaha xagjirka ah ee Al-shabaab,

IMG_8038 IMG_8055 IMG_8136

Did you like this? Share it:

LEAVE A REPLY

Please enter your comment!
Please enter your name here