Madaxweyne ku xigeenka Galmudug oo ka qeybgalay munaasabad xil wareejin ah oo lagu qabtay Dhuusamareeb

Madaxwayne ku-xigeenka Galmudug Cali Daahir Ciid ayaa Maanta ka Qaybgalay Munaasabad ay Xilalka kula kala wareegayeen Wasiirka Cusub ee Waxbarashada Galmudug iyo Wasiirkii Hore ee Wasaarada waxaana Munaasabada Goobjoog ka ahaa Hanti-dhowrka Guud ee Galmudug.

Axmed deeq Cabdi Maxamed Wasiirki hore ee wasaaradda waxbarashada Galmudug ayaa sheegay in waxyaabo badan ay u qabsoomeen kuwa kalane ay horyaalaan hoggaanka cusub isagoo sheegay inuu ku faraxsanyahay inuu maanta xilka wareejiyo.

Wasiirka cusub ee wasaaradda mudane Maxamed Xaashi Dhoore oo la wareegay Xilka ayaa u mahadceliyay wasiirkii hore iyo shaqaalaha wasaaradda isagoo xusay inuu halkaas kasii wadi doono shaqada loo igmaday.

Madaxwayne ku-xigeenka Galmudug Cali Daahir Ciid ayaa ku ammaanay Howlwadeenada Wasaarada Shaqada ay ka soo qabteen uuna ugu horeeyo Wasiirku waxa uuna xusay in Xil wareejintani ay tahay Mid ku dayasho mudan.

Wasaarada Waxbarashada Hiddaha iyo Tacliinta Sare ee Galmudug ayaa Mudadii ay shaqaynaysay waxa ay dabooshay Baahiyo badan oo Dhinaca Waxbarashada ah.

LEAVE A REPLY

Please enter your comment!
Please enter your name here