Madaxweyne Ku-xigeenka Jubaland oo ka qeyb galay Dabaaldaga Dhaqanka iyo Farshaxanka ee Kismayo “SAWIRRO”

Madaxweyne ku xigeenka Jubaland Cabdullahi Sheikh Ismaaciil “Fartaag” ayaa manta ka qeybgalay dabaal-daga dhaqanka iyo farshaxanka ee Kismaayo. Dabaal-dagan ayaa si rasmi ah uga furmay 7da bisha Feebaraayo.  Ololahan ku wajahan dib-u soo noolaynta dhaqanka iyo farshaxanka ayaa waxaa iska kaashaday Wasaaradda Warfaafinta, Isgaarsiinta iyo Gaadiid ee Jubaland iyo Xafiiska Duqa Magaalada Kismaayo. Wasiirka Wasaarada mudane Cabdinur Cali Aadan ayaa si rasmi ah u furay maalintii ugu horeysay bandhig faneed iyo cayaaro isboorti oo lagu soo bandhigay xarunta cayaaraha ee xaafadda Calanley, Degmada Kismayo. Waxaana uu wasiirku halkaas kula` hadlay ka soo qeyb galayaal badan oo ka kala yimid xaafadaha kala duwan ee degmada Kismaayo.

Xafladan balaaran ee manta ka dhacday xarunta shirarka ee Daawad ayaa waxaa iyana ka soo qeyb galay in ka badan 700 oo qof iyo madax kale oo ay ka mid yihiin wasiirka Arrimaha Bulshada, Wasiirka Haweenka iyo Arrimaha Qoyska, Afhayeenka Jubaland, MAdaxa Haweenka Jubooyinka iyo madax kale oo badan. Waxayna dhamaan si rasmi ah uga qeyb qaateen damaashaadkii todobaadka soo noolaynta dhaqanka.

Madaxda Jubaland oo uu hogaaminayo Madaxweyne ku xigeenka ayaa u daawasho tagay bandhiga hidaha iyo dhaqanka oo ay xaafadaha magaalada Kismaayo. Bandhigan ayay xaafadahu ku tartameen soo bandhiga qalabka iyo dharka hidaha Soomaaliyeed. Waxaana la siiyay fursad ay ku tartamaan soo bandhiga dhaqankooda. Madaxda yaa si farxad leh uga qeyb qaatay xuskan baaxada weyn eek a dhacay magaalada Kismaayo.

Todobaadka Hidaha, Dhaqanka & Farshaxanka ee Kismaayo waxuu si rasmi ah u bilowday 7da Feebaraayo waxaana uu soconayaa illa laga gaaro -11ka  feebaraayo. Waxuuna ka dhici doonaa dhowr xarumood oo ay ay kamid yihiin Xaruunta shirarka ee hooyooyinka iyo Xarunta SHirarka ee Daawaad eek a soo horjeeda dhismihii hore ee Caymiska. “Ha u-daymo la’aan, hal-abuurka Kismaayo”.

 

20160210_152633 20160210_171815 Center VP Second Left Minister of Social Affairs From Left Minister of Information and Chairwomen of the Jubaland Women Kabebey Dance performers and Side left of the hall Sharing the traditional tools - lady

LEAVE A REPLY

Please enter your comment!
Please enter your name here