Madaxweyne Ku-xigeenka Puntland oo ka qayb galay xuska maalinta beeraha Puntland “SAWIRRO”

0
1889

Madaxweyne Ku-xigeenka Dowlad goboleedka Puntland Cabdixakiim Xaaji Cabdillaahi Cumar Camey ayaa maanta xarunta hay’adda PDRC ee Garoowe kaga qayb galay munaasabad Maalinta Beeraha ee Puntland oo ay soo qaban qaabisay Wasaaradda Beeraha iyo Waraabka Puntland, waxaana lagu soo bandhigay wax soo saarka oo ay ugu muhiimsan yihiin dalaga beeraha.

Munaasabadda waxaa sidoo kale ka qayb galay Guddoomiyaha Baarlamaanka Puntland Axmed Cali Xaashi, mas’uuliyiin ka tirsan golayaasha Puntland iyo ganacsatada ku howlan ee maal gelisa wax soo saarka beeraha Puntland.

Cabdixakiim Xaaji Cabdillaahi Cumar Camey ayaa tilmaamay inuu ku faraxsan yahay inuu kasoo qayb galo munaasabad lagu xusayo wax soo saarka Puntland , isagoo Wasaaradda Beeraha iyo Waraabka Puntland ku ammaanay sida ay ugu howlan tahay horumarinta wax soo saarka beeraha, sidoo kale wuxuu caddeeyey in qorshayaasha waxqabadka Puntland ay ku jirto sidii loo horumarin lahaa wax soo saarka beeraha iyo khayraadka kale ee dalku leeyahay.

Madaxweyne Ku-xigeenka Puntland ayaa sheegay in ay muhiim tahay in la kordhiyo cilmiga beeraha si loo helo aqoonyahanno takhasus u leh dalaga beeraha si dalaga kasoo go’a Puntland uu tayo u yeesho.

Dhinaca kale, Cabdixakiim Xaaji Cabdillaahi Cumar Camey ayaa xarunta Jaamacadda PSU ee Garoowe waxaa uu kaga qayb galay munaasabad ay ku qalan jabinayeen 43-arday oo dhamaystay heerka koowaad ee tacliinta sare, iyagoo ka baxay kulliyado kala duwan. Sidoo kale munaasabadda waxaa ka qayb galay Wasiirka Waxbarashada Puntland Dr. Abshir Yuusuf Ciise, Marwada Madaxweynaha Dr. Hodan Siciid Ciise, maamulka iyo macalimiinta Jaamacadda PSU, masuuliyiin ka tirsan golayaasha Dawladda, arday, waalidiin iyo qaybaha kale ee bulshada.

Madaxweyne Ku-xigeenka dowlad goboleedka Puntland ayaa ardayda qalan jabisay ku amaanay waqtiga ay ku bixiyeen waxbarashada sare, isagoo sheegay inay yihiin maskax iyo xoog cusub oo dalka iyo dadkaba usoo kordhay.

DSC01662 DSC01666 DSC01668 DSC01670 DSC01672 DSC01675 DSC01677 DSC01679 DSC01683 DSC01684 DSC01690 DSC01691 DSC01695 DSC01698 DSC01703 DSC01704 DSC01706 DSC01710 DSC01711 DSC01717 DSC01719 DSC01734 DSC01737 DSC01745 DSC01746 DSC01753 DSC01756 DSC01762 DSC01768 DSC01770 DSC01777 DSC01781 DSC01787 DSC01794 DSC01804 DSC01818 DSC01824 DSC01832 DSC01844

Did you like this? Share it:

LEAVE A REPLY

Please enter your comment!
Please enter your name here