Madaxweyne ku xigeenka Puntland oo ka qeybagay shirk u saabsan Nafaqeynta Hooyada iyo Dhallaanka”SAWIRRO”

0
1070

Shirkan ayaa waxaa ka soo qeyb galay mas’uuliyiin ka socday Wasaaradaha kala ah Wasaarada Caafimaadka maamulka Puntland, Wasaarada Beeraha iyo Waraabka Puntland, Wasaarada Waxbarashada iyo Tacliinta Sare, Wasaarada Haweenka iyo Arrimaha Qoyska , Wasaarada qorshaynta iyo xiriirka caalamiga ah ee Puntland, Wasaarada Warfaafinta iyo Wasaarada Ganacsiga iyo Warshadaha Dawladda goboleedka Soomaaliyeed ee Puntland.

Mudadii uu socday shirka ayaa waxaa looga hadlay kor u qaadida nafaqaynta Hooyada iyo Dhallaanka Puntland, daahfurida iyo in la dedajiyo qorshaha lagu howlgalinayo inta uu socda barnaamijkaasi iyo sidii qaaraan loogu ururin lahaa nafaqaynta Hooyada iyo Dhallaanka Puntland.

Barnaamijka kor u qaadida nafaqaynta Hooyada iyo dayaa waxaa si weyn uga faa’iidaysta 36-wadan, waana markii ugu horaysay ee laga hirgeliyo Soomaaliya waxaana si tijaabo ah looga fulinayaa guud ahaan Gobolada Puntland.

Dawladda goboleedka Puntland iyo hay’addaha kala WFP, WHO, UNICEF, FSAU, USAID, NGOS Sicil Society Forum, Private Sector Forum, Academiand Research Institution ayaa si weyn isaga kaashanay hirgelinta iyo socodsiinta Barnaamijkaan.

Madaxweyne ku xigeenka maamulka Puntland Cabdixakiin Cabdulaahi Xaaji Cumar Camey ayaa sheegay in muhiim ay tahay in loo dhabar adaygo sidii loo hirgelin lahaa mashruucaan, maadama uu ku yimi dedaal dheer oo ay dawladda goboleedka Soomaaliyeed ee Puntland u gashay sidii Puntland looga fulin lahaa mashruucakani.

Madaxweyne ku xigeenka maamulka Puntland Cabdixakiin Camey ayaa ugu dambeyntii sheegay inay lagama maarmaan tahay in la xoojiyo korna loo qaado nafaqaynta hooyada iyo dhallaanka ee Puntland.

IMG_9493

IMG_9501

Did you like this? Share it:

LEAVE A REPLY

Please enter your comment!
Please enter your name here