Madaxweyne Trump oo ku hanjabay in uu baajinayo kulan uu la lahaa Putin

497
Madaxweynaha Mareykanka Donalda Trump oo lahadlayay Jariiradda The Washington Post ayaa ku hanjabay in uu qaadacayo kulan loo madlanaa in uu la yeeshey madaxweynaah Dalka Ruushka Fladamir Putin,kadib markii Ruushka lagu eedeyey faragelinta siyaasadeed ee arrimaha dalka Ukraine.

Ciidamada Badda dalka Ruushka ayaa weerar ku qaaday maraakiib ay lahaayeen ciidamada Ukraine,islamarkaana ka qabsaday maraakiib,taasi oo keentay in madaxweyne Trum uu ku hanjabo in uu ka baaqsan doono kulan gaar ah oo u ula yeelan lahaa Putinka Ruushka.

Hogaamiyaasha wadamada ku horumaray dhanka Warshadaha ee G20 ayaa todobaadkan dabayaaqadiisa ku shiraya magaalada Buenos Aires ee dalka Argentina,waxaana kulanka gaarka ah ee madaxda Mareykanka iyo Ruushka ay ku balansanaayeen uu ka barbar dhici lahaa shirkaasi.

Haweenay afhayeenad ah oo u hadashey aqalka Cad ee loog arrimiyo Mareykanka Heather Nauert ayaa sheegtay in dolwadad Mareykanka ay danaynayso in Ruushka xayiraada adag la saaro,dhanka kalena uu Mareykanka ugu baaqey wadamada Midowga Yurub in ay taageeraan Dalka Ukraine.

Lataliyaha dhanka ammaanka e Madaxweyne Trump John Bolton ayaa warbaahinta u sheegay in shirka ay u balansanaayeen Madaxda Mareykanka iyo Ruushka ajandihiisu uu ahaa arrimaha ammaanka iyo hubka, xaaladda dalka Ukraine iyo siyaasadda Bariga Dhexe.

Dhanka kale madaxweynaha wadanka Ukrain Petro Poroshenko ayaa soo rogay xaalada deg deg ah xuduudaha dalkiisa uu la wadagao Ruusha,taasi oo uu baarlamaanku ansixiyay,waxaana Petro Poroshenko uu ku tilmaamay talaabada Ruushka mid daandaansi ah.

Did you like this? Share it:

LEAVE A REPLY

Please enter your comment!
Please enter your name here