Madaxweyne Waare Oo Ku Baaqay In Loo Midoobo Ciribtirka Kooxaha Argagaxisada

1412

Madaxweynaha Dowlad Goboleedka Soomaaliyeed ee Hirshabelle Dr Maxamed Cabdi Waare war qoraal ah oo ka soo baxay Xafiiskiisa ayaa tacsi tiiraanyo leh loogu Diray ehelada,Asxaabta, qaraabada, iyo Guud ahaan Umadda Soomaaliyeed, dadkii u waxyeeloobay mashaqadii shalay ka dhacday magaalada Muqdisho taasi oo ay Ku nafwaayeen dad aad u fara badan oo waxba aan galabsan, waxaana dadkii Ku dhintay  uu eebe uga baryay  In naxariista jano uu ka waraabiyo kuwa dhaawaca ahna uu caafimaad taam ah uu siiyo.

Madaxweyne Waare oo sii hadlay ayaa sheegay in mar walbo loo baahanyahay  Dowlad Federaalka iyo Maamul Goboleedyada ay muujiyaan midnimo meelna uga soo wada jeestaan Cadowgani maalin walba  caadeystay leynta iyo dabar goynta Umadda Soomaaliyeed sidii loo ciribtiri lahaa.
Madaxweynaha Dowlad Goboleedka Hirshabelle Dr Maxamed Cabdi Waare ayaa Umadda Soomaaliyeed ugu baaqay in Gurmad ay u fidiyaan walaalaha Ku waxyeeloobay weerarkaasi baahalnimada ah.
Did you like this? Share it:

LEAVE A REPLY

Please enter your comment!
Please enter your name here