Madaxweyne Waare oo sheegay in dhawaan mashaariic laga hirgelin doono Hirshabeelle

84

Madaxweynaha Dowlad Goboleedka Hirshabeelle, Maxamed Cabdi Waare ayaa faah faahin ka bixiyay mashaariic dhawaan laga hir gelin doono degaannada Hirshabeelle oo ay ka mid tahay Madaxtooyada maamulkaas.

Mudane; Waare ayaa ugu horreyn ka war bixiyay safarradii ugu dambeeyay ee uu Madaxweynuhu kaga qayb galay shirkii ka dhacay dhawaan Dalka Biljimka, kaas oo looga hadlayay xaaladda Soomaaliya.

“Runtii shirkaasi shir aad muhiim u ah ayuu ahaa, nabadaynta iyo xaalad kusoo celinta guud ee waddanka, waa Shirkii ugu horreeyay baan dhihi karaa ee Beesha Caalamka ay ugu hadashay bur-burkii ka dib si Dowladnimo ah oo looga hadlo arrimo waawayn oo ay ka mid yihiin sidii ay Soomaaliya dib ugu soo noqon lahayd hay’adaha caalamka ee maaliyadda sida IMF, Bankiga Adduunka iyo deeq bixiyayaasha ay ka mid yihiin” ayuu yiri mudane Waare.

Madaxweyne Waare ayaa sheegay in barnaamijka ay Soomaaliya la tagtay shirka uu ahaa mid ka tarjumaya xaaladda uu Waddanku ku sugan yahay, taasoo macnaheedu yahay in dib loo raaco ballamadii horay loo galay oo ku aaddan dhanka amniga, dhaqaalaha iyo xagga doorashooyinka.

Wuxuuna mudane Waare sheegay inay Beesha caalamku si wanaagsan ugu riyaaqday barnaamijkii ay soo jeediyeen , wuxuuna sheegay inay halkaasi ka soo baxday ifafaallo wanaagsan , isagoo yididdiilo ka muujiyay inay dhawaan Soomaaliya la jaan qaadi doonto Dunida inteeda kale, deynta laga cafin doono,fursadna loo heli doono in Dalka laga fuliyo mashaariic waaweyn oo wax loogu qabto kaabayaasha dhaqaalaha,sida jidadka, korontada, Dekedaha iyo adeegyada kale ee Bushada.

Deeq bixiyayaasha ayuu sheegay in ay markii hore wax usoo marin jireen Soomaaliya, hay’adaha iyo NGO-yada, bals haatan ay tahay markii ugu horreeysay ee Dhaqaale intaa la eg lagu dhiirrado in lagu aamino hay’adaha Dowladda, taasoo ka turmaysa buu yiri Dowlad wanaagga imminka la gaaray.

Madaxweyne Waare ayaa ha hadlay Waddooyinka xiran ee degaannada Hirshabeelle, taasoo uu tilmaamay inay dhibaato xooggan ku hayso Bulshada, wuxuuna sheegay inay jiraan qorshayaal uu maamulkiisu wax ugu qaban doono dhawaan.

Waxaa kale oo uu sheegay Madaxweynuhu inay jiraan mashaariic billoowday iyo kuwo dhawaan lagu fulin doono, sida dhismaha xarun cusub oo uu yeesho Baarlamanka Hirshabeelle oo 3-da Bishan Augost laga Dhafax dhigi doono Jowhar, Xafiisyo Dowladeed iyo Waddooyin.

Kunaka ayaa sidoo kale waxaa ka qayb galay Guddoomiyaha Baarlamanka Hirshabeelle, ku xigeenkiisa Koowaad iyo xubno ka tirsan Labada gole, waxanay dhammaantood ballan qaadeen inay horay usii wadi doonaan dedaallada lagu horumarinayo degaannada Hirshabeelle.

Did you like this? Share it:

LEAVE A REPLY

Please enter your comment!
Please enter your name here