Madaxweyne Xaaf oo la kulmay Guddiga loo xilsaaray Ka shaqaynta Dastuurka Galmudug “Sawirro”

423

Madaxweynaha Dowlad goboleedka Galmudug Mudane Axmed Ducaalle Gelle Xaaf,  ayaa la kulmay Guddiga loo xilsaaray Ka shaqaynta Dastuurka Galmudug, kana mid ah Guddiyada ka howl galaya dhamaystirka Heshiiskii Galmudug iyo Ahlusuna, waxa uuna kala hadlay Qodobo ay ka mid yihiin Dar dar gelinta Howlaha loo igmaday Guddiyada iyo inay u shaqeeyaan si Cadaalad iyo Hufnaani ay ku jirto .

Madaxweynaha Galmudug ayaa Guddiga waxa ay u soo bandhigeen Nuqulo ay ka diyaariyeen Dastuurka,  laguna samayn doon  isku dhaf iyo wax ka badal, waxaana Madaxweyne Xaaf uu boggaadiyey sida Guddiyadu ay u wadaan Howlaha loo xilsaaray.

Kulanka iyo Kormeerka Madaxweynaha ka dib ayaa waxaa warbaahinta uga
warbixiyey sida wax u socdaan Abukaate Bashiir Xaasji Yuusuf oo Xubin
ka ah Gudiga, horayna uga mid ahaa Qubaradii soo diyaarisay Dastuurka Dowlad Goboleedka Galmudug.

Guddiga ayaa la rajeynayaa in muddo kooban ay ku soo dhammeystiraan
howlaha loo xil saaray, si horumarinta heshiiska iyo wadajirka
Galmudug ay si buuxdo ugu shaqeyso.

Did you like this? Share it:

LEAVE A REPLY

Please enter your comment!
Please enter your name here