Madaxweyne Xasan oo ku baaqay in laga wada shaqeeyo dhismaha Maamul loo dhanyahay

1500

Madaxweynaha Jamuuriyada Federaalka ah ee Soomaaliya Mudane Xasan Sheekh Maxamuud ayaa sheegey in looga baahanyahay shacabka ku dhaqan gobolka Hiiraan in ay u diyaar garoobaan sidii ay uga qeyb qaadan lahaa hirgelinta Nidaamka Federaalka ah ee haatan ka socda dalka.

Madaxweyne Xasan Sheekh Maxamuud oo la hadlayay odoyaasha dhaqanka iyo qeybaha bulshada ee gobolka Hiiraan ayaa u sheegay inay ka qeyb qaataan dhismaha maamul u sameynta shacabka ku nool gobollada Hiiraan iyo Shabeelaha Dhexe.

Madaxweynaha ayaa xusay in dhismaha maamul goboleedyada ay qeyb ka qaadan karaan horumarinta adeegyada aas aasiga u ah bulshada.

“Waxaan rabaa in aad la tashiyo la yeelataan dadka ay talada idinkala dhexeyso si loo helo maamul qeyb ka noqda nidaamka Federaalka, talo ayaad ku leedihiin dhismaha maamul goboleedyada, dhismaha maamul u sameynta gobollada dhiman meel fiican ayay marayaan, ee u istaaga sidii aad u badin laheedeen talooyinka ku aadan dhismaha maamul goboleedyada” ayuu yiri Madaxweynaha dalka.

Did you like this? Share it:

LEAVE A REPLY

Please enter your comment!
Please enter your name here